நிலவும் சீரற்ற வானிலை காரணமாக உயிரிழந்தவர்களின் எண்ணிக்கை 16 ஆக உயர்ந்துள்ளது. 270,912 பேர் பாதிக்கப்பட்டுள்ளனர்.
அத்துடன், ஒன்பது மாவட்டங்களுக்கு வழங்கப்பட்ட மண்சரிவு எச்சரிக்கைகள் நாளை மாலை 4.30 மணி வரை நீட்டிக்கப்பட்டுள்ளன.
கொழும்பு, காலி, களுத்துறை, கம்பஹா, கண்டி, கேகாலை, மாத்தளை, நுவரெலியா மற்றும் இரத்னபுரி மாவட்டங்களில் மண்சரிவு எச்சரிக்கைகள் நடைமுறையில் உள்ளன.
பல பகுதிகளில் நிலைமை ஓரளவு சீரடைந்துள்ளதாக அனர்த்த முகாமைத்துவ மத்திய நிலையத்தின் பிரதிப் பணிப்பாளர் பிரதீப் கொடிபிலி தெரிவித்தார். இருப்பினும் 10 மாவட்டங்களை சேர்ந்த 26,846 பேர் தற்காலிக தங்குமிடங்களில் தொடர்ந்து இருக்கிறார்கள், அதே நேரத்தில் நிவாரண முயற்சிகள் நடந்து கொண்டிருக்கின்றன.
பல நதிகளின் நீர் மட்டமும் குறைந்து வருகின்றன என்றார்.
