மண்மேடு சரிந்து வீழ்ந்தமையினால் தடைப்பட்டிருந்த ஹட்டன் கொழும்பு பிரதான வீதியானது போக்குவரத்து ஒரு பாதைக்கு மட்டுப்படுத்தப்பட்டு திறக்கப்பட்டுள்ளது.
ஹட்டன் – கொழும்பு பிரதான வீதியின் போக்குவரத்து இன்று பிற்பகல் முதல் ஒரு பாதைக்கு மட்டுப்படுத்தப்பட்டுள்ளதாக கினிகத்தேன பொலிஸார் தெரிவித்தனர்.
கினிகத்தேன தியகல பிரதேசத்தில் நேற்று (07) மாலை 7.45 மணியளவில் பிரதான வீதியில் மண் மற்றும் கற்களுடன் பாரிய மரமொன்று முறிந்து வீழ்ந்ததால், அந்த வீதியில் போக்குவரத்து இன்று (08) பிற்பகல் வரை முற்றாக தடைப்பட்டிருந்தது.
இதன் காரணமாக அவ்வீதியில் செல்லும் அனைத்து வாகனங்களையும் மாற்று வழிகளில் பயன்படுத்த பொலிஸார் நடவடிக்கை எடுத்திருந்தனர்.
நோர்வூட் வீதி அபிவிருத்தி அதிகார சபையின் அதிகாரிகள், பிரதான வீதியில் விழுந்த கற்களை வெடிக்கச் செய்து அகற்ற வேண்டியிருந்தமையினால் அவ்வீதியின் போக்குவரத்து ஒரு பாதைக்கு மட்டுப்படுத்தப்பட்டுள்ளதாக தெரிவித்தனர்.
