புதிய ஜனாதிபதியை பாராளுமன்றத்தில் உள்ள அனைத்து அரசியல் கட்சிகளும் ஒருமித்த கருத்துடன் தீர்மானிக்க வேண்டும் என்று மார்ச் 12 இயக்கம் கோரியுள்ளது.
அந்த இயக்கம் வெளியிட்ட அறிக்கையில், அதிகபட்சமாக ஒரு வருடத்திற்கு ஒரு பொதுவான திட்டத்தை முன்னெடுத்துச் செல்லக்கூடிய குழுவும் தேர்ந்தெடுக்கப்பட வேண்டும் என்று கூறியுள்ளது.
ஜனாதிபதி வேட்பாளர்கள் தமது வேலைத்திட்டங்களை நாட்டிற்கு முன்வைக்குமாறு கோரிக்கை விடுத்துள்ளது.
அந்தந்த திட்டங்களை பொதுமக்கள் ஆய்வு செய்து தெளிவு பெற முடியும்.
பொருளாதார ஸ்திரத்தன்மையை உறுதிசெய்து அரசியல் சீர்திருத்தங்களை மேற்கொள்வதன் மூலம் மக்களின் அபிலாஷைகளை நிறைவேற்றுவதே இடைக்கால நிர்வாகத்தின் கடமை என மார்ச் 12 இயக்கம் குறிப்பிட்டுள்ளது.
வெறும் அரசியல் கட்சிகளின் நலன்களுக்கு இணங்குவதை விட பாராளுமன்ற உறுப்பினர்களுக்கு நாட்டிற்கான பெரிய பொறுப்பு உள்ளது என்று இயக்கம் மேலும் கூறியது.
அடுத்த 72 மணி நேரத்தில் புதிய ஜனாதிபதியை இலங்கை தேர்வு செய்ய உள்ளது.
கடந்த வியாழன் அன்று, இலங்கையின் ஏழாவது நிறைவேற்று அதிகாரம் கொண்ட ஜனாதிபதி கோட்டாபய ராஜபக்ச பல வாரகால போராட்டங்களைத் தொடர்ந்து தனது பதவியை ராஜினாமா செய்தார்.
இதேவேளை, ஜனாதிபதி தேர்தலுக்கான வேட்புமனுக்கள் நாளை ஏற்றுக்கொள்ளப்படும் என கடந்த வாரம் பாராளுமன்றம் அறிவித்திருந்தது.
ஒன்றுக்கு மேற்பட்ட வேட்புமனுக்கள் சமர்ப்பிக்கப்பட்டால், புதிய ஜனாதிபதியைத் தேர்ந்தெடுப்பதற்கு புதன்கிழமை பாராளுமன்ற வாக்கெடுப்பு நடத்தப்படும்.
