அடுத்த இரண்டு வாரங்களில் இந்தியாவில் இருந்து மேலும் 21,000 மெட்ரிக் தொன் உரம் நாட்டிற்கு வரவுள்ளது.
இந்திய கடன் வரி மூலம் இந்த உரம் கொள்முதல் செய்யப்பட்டுள்ளதாக விவசாய அமைச்சு தெரிவித்துள்ளது.
இந்திய கடன் வரி மூலம் கொள்முதல் செய்யப்பட்ட 65,000 மெட்ரிக் தொன் உரத்தில் இருந்து மொத்தம் 44,000 மெட்ரிக் தொன் உரம் கடந்த வாரம் நாட்டிற்கு வந்துள்ளது.
லங்கா உர நிறுவனம் மற்றும் வர்த்தக உர நிறுவனம் ஊடாக விவசாயிகளுக்கு உரம் விநியோகிக்கப்படும்.
இதேவேளை, உரம் விநியோகிப்பதற்கு தேவையான எரிபொருளை பெற்றுக்கொள்வதற்கு இலங்கை பெற்றோலிய கூட்டுத்தாபனத்திற்கு நிதி வழங்குமாறும் விவசாய அமைச்சர் அதிகாரிகளுக்கு பணிப்புரை விடுத்துள்ளார்.
அனைத்து மாவட்டங்களையும் உள்ளடக்கிய வகையில் உர விநியோகம் மேற்கொள்ளப்படுவதாக அமைச்சு தெரிவித்துள்ளது.
