மத்திய கிழக்கு போரை முடிவுக்குக் கொண்டுவர ஈரானுடன் அமெரிக்க ஜனாதிபதி டொனால்ட் டிரம்ப் ஒரு ஒப்பந்தத்தில் கையெழுத்திட்டுள்ளார் என்று ஒரு அமெரிக்க அதிகாரி புதன்கிழமை AFPயிடம் தெரிவித்தார். பிரான்ஸ் ஜனாதிபதியுடன் இரவு விருந்தின் போது இந்த ஒப்பந்தம் கையெழுத்தானது என்று ஆக்சியோஸ் செய்தி வெளியிட்டதைத் தொடர்ந்து இந்தத் தகவல் வெளியாகியுள்ளது.
ஜி7 உச்சிமாநாட்டைத் தொடர்ந்து வெர்சாய்ஸ் அரண்மனையில் மக்ரோனுடன் இரவு விருந்தின் போது டிரம்ப் தனிப்பட்ட முறையில் ஒரு நகலில் கையெழுத்திட்டார் என்ற செய்தி குறித்துக் கேட்டபோது, ”கையெழுத்திட்டதை உறுதிப்படுத்த முடியும்,” என்று அந்த அதிகாரி கூறினார்.
இந்த புரிந்துணர்வு ஒப்பந்தத்தில் ஈரான் வழங்கிய சலுகைகள் அமெரிக்காவிற்கு “பெரிய” வெற்றிகள் என்று ஒரு மூத்த அமெரிக்க அதிகாரி புதன்கிழமை செய்தியாளர்களிடம் கூறினார்.
பெயர் வெளியிட விரும்பாத நிலையில் செய்தியாளர்களுடனான தொலைபேசி உரையாடலில் பேசிய இரண்டு மூத்த அதிகாரிகள், 14 அம்ச ஒப்பந்தத்தை விவரித்து, அதை வார்த்தைக்கு வார்த்தை வாசித்துக் காட்டினர்.
