யாழில் பண மோசடி – வெளிநாட்டவர்களை ஏமாற்றிய பெண் கைது!

Date:

யாழ்ப்பாணத்தில் வெளிநாடுகளில் இருந்து வந்தவர்களை இலக்கு வைத்து பண மோசடியில் ஈடுபட்ட பெண் ஒருவர் கோப்பாய் பொலிஸாரினால் கைது செய்யப்பட்டுள்ளார். இந்த பெண், தனக்கு சத்திர சிகிச்சை செய்ய வேண்டும் என கூறி போலியான மருத்துவ அறிக்கைகளை காண்பித்து, பல வெளிநாட்டவர்களிடமிருந்து பணம் பெற்றதாக தெரிவிக்கப்படுகிறது.

கைது செய்யப்பட்ட பெண்ணிடம் மேற்கொள்ளப்பட்ட விசாரணைகளின் பின்னணியில், அவர் மோசடியாக பெற்ற 50 ஆயிரம் ரூபாய் பணத்தினையும் பொலிஸார் மீட்டுள்ளனர். குறிப்பாக, யாழ்ப்பாண நகரம், திருநெல்வேலி, கல்வியங்காடு, கோப்பாய், கொக்குவில் போன்ற பகுதிகளில் வெளிநாடுகளில் இருந்து வந்தவர்களை அடையாளம் கண்டு, அவர்களை ஏமாற்றுவதில் குறித்த பெண் ஈடுபட்டிருந்ததாக கூறப்படுகிறது.

கடந்த செவ்வாய்க்கிழமை, கோப்பாய் பொலிஸ் நிலையத்திற்கு அருகில் உள்ள வீடொன்றில், குறித்த பெண் மோட்டார் சைக்கிளில் சென்று, தனக்கு சிகிச்சை மேற்கொள்ள பண உதவி தேவை என கூறி 50 ஆயிரம் ரூபாய் பெற்றுள்ளதாக தகவல்கள் தெரிவிக்கின்றன. ஆனால், பணத்தைக் கொடுத்த வெளிநாட்டவர் அதை தனது உறவினர்களிடம் தெரிவிக்கையிலேயே, இதே பெண்ணால் ஏமாற்றப்பட்ட மேலும் பலர் இருப்பதற்கான தகவல்கள் வெளியானது.

இதனைத் தொடர்ந்து, அந்த வெளிநாட்டவர் உடனடியாக கோப்பாய் பொலிஸாருக்கு தகவல் வழங்கி, பெணின் மோட்டார் சைக்கிளின் இலக்கம் மற்றும் அடையாளங்களை தெரிவித்தார். இதையடுத்து, பொலிஸார் தீவிர விசாரணை மேற்கொண்டு, கடந்த வெள்ளிக்கிழமை (21) குறித்த பெண்ணை கைது செய்துள்ளனர்.

கைது செய்யப்பட்ட பெண்ணிடம் மேலதிக விசாரணைகளை முன்னெடுத்து, நீதிமன்றத்தில் முற்படுத்த நடவடிக்கைகளை பொலிஸார் மேற்கொண்டு வருகின்றனர்.

spot_imgspot_img

More like this
Related

“சிறிமாவோவிடம் ஜே.ஆர். செய்ததை மீண்டும் செய்யாதீர்கள்”: அரசியல் எதிரிகளை நடத்தும் விதம் குறித்து அரசாங்கத்திற்கு தயாசிரி எச்சரிக்கை

எதிர்க்கட்சி நாடாளுமன்ற உறுப்பினர் தயாசிறி ஜயசேகர, குற்றவியல் விசாரணைகள் மற்றும் சட்ட...

சிறுமியை சீரழித்த முல்லைத்தீவு ஐயருக்கு விதிக்கப்பட்ட தண்டனை!

முல்லைத்தீவில் 2011-ஆம் ஆண்டு, போரினால் இடம்பெயர்ந்த 17 வயது மாணவி ஒருவரை,...

சாக்கடையில் ஓடிய டீசல்… வாளி, கேன்களுடன் முண்டியடித்த மக்கள்! புளூமெண்டலில் பரபரப்பு!

கொழும்பு, புளூமெண்டல் பகுதியில் அமைந்துள்ள எரிபொருள் சேமிப்பு முனையத்தில் இன்று (21)...
spot_imgspot_img
spot_imgspot_img

பரபரப்பான செய்திகள்