உக்ரைனில் மேற்கொள்ளப்படும் சிறப்பு இராணுவ நடவடிக்கை “ரஷ்ய மக்களை ஒன்றிணைப்பதற்காக” மேற்கொள்ளப்படுகிறது என்று ரஷ்ய ஜனாதிபதி விளாடிமிர் புடின் தெரிவித்துள்ளார்.
ஞாயிற்றுக்கிழமை ஒளிபரப்பப்பட்ட ஒரு நேர்காணலில் புடின் “வரலாற்று ரஷ்யா” என்ற கருத்தைப் பயன்படுத்தி, உக்ரைனியர்களும் ரஷ்யர்களும் ஒரே மக்கள் என்றார்.
ரோசியா 1 தேசிய தொலைக்காட்சியில் புடினின் நேர்காணல் ஒளிபரப்பானது.
“பிரித்து வெற்றிபெறுகிறார்கள், அதைத்தான் அவர்கள் எப்பொழுதும் சாதிக்க முற்படுகிறார்கள், இன்னும் செய்ய முற்படுகிறார்கள்” என்று புடின் கூறினார்.
“பிரித்து வெற்றி பெறுவர் நமது புவிசார் அரசியல் எதிரிகளின் கொள்கையாகும், இது ரஷ்யாவை, வரலாற்று ரஷ்யாவை துண்டாடுவதை நோக்கமாகக் கொண்டுள்ளது. அவர்கள் ‘பிரிக்கவும் வெற்றிபெறவும்’ முயற்சி செய்கிறார்கள் … எங்கள் இலக்கு வேறு ஒன்று – இது ரஷ்ய மக்களை ஒன்றிணைப்பதாகும்” என்று ரஷ்ய ஜனாதிபதி மேலும் கூறினார்.
பேச்சுவார்த்தைக்கு தயாராக இருப்பதாக புடின் மீண்டும் கூறினார், ஆனால் உக்ரைனும் அதன் மேற்கத்திய நட்பு நாடுகளும் பேச்சுவார்த்தை நடத்த மறுத்துவிட்டதாக கூறினார்.
போப் வேண்டுகோள்
“துன்பத்தில் உள்ள அனைவருக்கும் உதவ ஒற்றுமையின் உறுதியான சைகைகளை வழங்க இறைவன் நம்மைத் தூண்டுவாராக, மேலும் ஆயுதங்களின் இடியை அடக்கி, இந்த அர்த்தமற்ற போருக்கு உடனடியாக முடிவு கட்டும் ஆற்றல் உள்ளவர்களின் மனதை அவர் தெளிவுபடுத்தட்டும்,” என போப் பிரான்சிஸ் கூறினார்.
கிறிஸ்மஸ் உரையில் இதனை தெரிவித்தார்.
அசோசியேட்டட் பிரஸ் வெளியிட்ட செய்தியின் படி, ரஷ்யர்களைப் போலவே பொதுவாக ஜனவரி 7 அன்று கிறிஸ்துமஸ் கொண்டாடும் சில உக்ரேனியர்கள், ரஷ்யாவின் போருக்கு எதிர்வினையாக தங்கள் பாரம்பரியத்தை மாற்றியுள்ளனர்.
சில ஆர்த்தடாக்ஸ் உக்ரைனியர்கள் டிசம்பர் 25 ஆம் திகதி இயேசு கிறிஸ்துவின் பிறப்பைக் கொண்டாடும் பண்டிகையை மேற்கத்திய கிறிஸ்தவ தேவாலயங்களின் உறுப்பினர்களைப் போலக் கொண்டாட முடிவு செய்ததாக நிறுவனம் கூறியது.
அக்டோபரில், உக்ரைனின் உள்ள இரண்டு ஆர்த்தடாக்ஸ் தேவாலய தலைமைகளில் ஒன்று, ரஷ்ய தேவாலயத்துடன் தாம் இணைக்கப்படவில்லை என்றும், டிசம்பர் 25 அன்று கிறிஸ்மஸ் கொண்டாட அனுமதிப்பதாகவும் கூறியது.
