இலங்கை மத்திய வங்கி இன்று (15) வெளியிட்டுள்ள சமீபத்திய நாணய மாற்று விகிதங்களின்படி, கடந்த சில நாட்களாக மதிப்பிழந்து வந்த இலங்கை ரூபாய், அமெரிக்க டாலருக்கு எதிராக மீண்டும் வலுப்பெற்றுள்ளது.
இன்றைய நிலவரப்படி, அமெரிக்க டாலரின் கொள்வனவு விகிதம் ரூ. 326.34 ஆகவும், விற்பனை விகிதம் ரூ. 336.58 ஆகவும் பதிவாகியுள்ளது.
இதற்கு முன் கடந்த வெள்ளிக்கிழமை (12), அமெரிக்க டாலரின் கொள்வனவு விகிதம் ரூ. 331.42 ஆகவும், விற்பனை விகிதம் ரூ. 341.36 ஆகவும் காணப்பட்டது.
இதன்மூலம், அமெரிக்க டாலரின் பெறுமதி குறைந்துள்ளதுடன், இலங்கை ரூபாயின் மதிப்பு உயர்ந்துள்ளதாக மத்திய வங்கி தரவுகள் காட்டுகின்றன.
