28.4 C
Jaffna
June 23, 2024
கிழக்கு

திருகோணமலையில் சிக்கிய 4 கொள்ளைக்காரிகள்!

இரவு நேரங்களில் பேருந்துகளில் பயணிக்கும் பயணிகளிடம் தங்கம் உள்ளிட்ட பெறுமதியான பொருட்களை திருடும் பெண் கும்பலை கந்தளாய் பொலிஸார் கைது செய்துள்ளனர்.

பேருந்தில் பயணித்த பெண் பயணி ஒருவர் செய்த முறைப்பாட்டின் பிரகாரம் நேற்று (18) காலை நான்கு பெண்கள் கைது செய்யப்பட்டதாக தெரிவிக்கப்படுகிறது.

ஹம்பாந்தோட்டையில் இருந்து திருகோணமலை நோக்கி பயணித்த இரவு நேர பேருந்தில் பயணித்த பெண் ஒருவர் பத்து இலட்சம் ரூபாவிற்கும் அதிகமான பெறுமதியான தங்கத்தை இழந்துள்ளதாக கந்தளாய் பொலிஸில் முறைப்பாடு செய்துள்ளார்.

பேருந்தில் தனக்குப் பக்கத்தில் அமர்ந்திருந்த மற்றொரு பெண் தான் தூங்கிய பின்னர் தனது சூட்கேஸில் இருந்த தங்கத்தை திருடிச் சென்றதாக அந்தப் பெண் போலீஸாரிடம் கூறியுள்ளார்.

கந்தளாய் நகரில் இருந்து களவாடிய பெண்ணும் மேலும் மூன்று பெண்களும் இறங்கியுள்ளதாகவும், இதன் பிரகாரம் பொலிஸ் நடமாடும் வாகனங்களை பயன்படுத்தி மேற்கொள்ளப்பட்ட சோதனையில் நால்வரும் கைது செய்யப்பட்டதாகவும் தெரியவந்துள்ளது.

கைது செய்யப்பட்ட பெண்கள் 21, 23, 30 மற்றும் 40 வயதுடையவர்கள் எனவும், அவர்கள் புத்தளம் பகுதியைச் சேர்ந்தவர்கள் எனவும் தெரியவந்துள்ளது.

இவர்கள் நீண்ட தூர பஸ்களில் பயணிகளின் பெறுமதியான பொருட்களை திருடுவதை சில காலமாக தொழிலாக செய்து வருவது கண்டுபிடிக்கப்பட்டுள்ளது.

கைது செய்யப்பட்ட சந்தேக நபர்கள் இன்று (18) கந்தளாய் நீதவான் நீதிமன்றில் முன்னிலைப்படுத்தப்படவிருந்தனர்.

What’s your Reaction?
+1
0
+1
0
+1
0
+1
0
+1
0
+1
0
+1
0

இதையும் படியுங்கள்

முன்னாள் பொலிஸ் உத்தியோகத்தரின் மகன் போதைப்பொருளுடன் கைது!

Pagetamil

அம்பாறையில் தமிழர் கிராமத்தில் வரவேற்பு வளைவு அமைக்க இடைக்கால தடை: முஸ்லிம் நபர்கள் முறைப்பாட்டின் எதிரொலி!

Pagetamil

கதிர்காமம் காட்டுப்பாதை 30ஆம் திகதி திறக்கப்படும்

Pagetamil

முற்றாக முடங்கிய திருமலை நகர்: நடைபாதை வியாபாரிகள் மற்றும் நகர சபை செயலாளருக்கு எதிராக ஆர்ப்பாட்டம்

Pagetamil

வைத்தியர் நீரில் மூழ்கிப் பலி

Pagetamil

Leave a Comment