லங்கா பிரிமியர் லீக் தொடரில் நேற்று இடம்பெற்ற போட்டியில் 4 விக்கெட்டுக்களால் காலி கிளாடியேட்டர்ஸ் அணியை வீழ்த்தி கொழும்பு ஸ்டார்ஸ் அணி வெற்றி பெற்றுள்ளது.
போட்டியின் நாணய சுழற்சியில் வெற்றிப் பெற்ற காலி கிளாடியேட்டர்ஸ் அணி முதலில் துடுப்பெடுத்தாடி, நிர்ணயிக்கப்பட்ட 20 ஓவர்கள் நிறைவில் 8 விக்கெட் இழப்பிற்கு 116 ஓட்டங்களைப் பெற்றுக் கொண்டது.
அவ்வணி சார்பில் பென் டங்க் அதிகபட்சமாக 38 ஓட்டங்களைப் பெற்றுக் கொண்டார்.
இலக்கை விரட்டிய கொழும்பு ஸ்டார்ஸ் அணி 17.3 ஓவர்கள் நிறைவில் 6 விக்கெட்டுக்களை இழந்து வெற்றி இழக்கை அடைந்தது.
இரண்டு விக்கெட்டுக்களையும் துடுப்பாட்டத்தில் 24 ஓட்டங்களையும் பெற்றுக் கொண்ட தனஞ்சய டி சில்வா ஆட்ட நாயகனாக தெரிவு செய்யப்பட்டார்.
