29.5 C
Jaffna
March 28, 2024
லைவ் ஸ்டைல்

சர்க்கரை இல்லாத டயட்டுக்கு மாறுவது எப்படி?.

சர்க்கரை இல்லாத டயட்டுக்கு மாறுவது எப்படி?… உடனே மாறமுடியாதவர்கள் இதை ட்ரை பண்ணுங்க…

அதிகமான மக்கள் சர்க்கரை நோயால் அவதியுறுகின்றனர். உணவில் அதிக அளவில் சர்க்கரை சேர்ப்பது நமக்கு பல பாதிப்புகளை ஏற்படுத்துகிறது. எனவே இப்போது நாம் சர்க்கரை இல்லாத அல்லது குறைவான அளவுகளில் சர்க்கரை உள்ள உணவுகளை எப்படி சேர்த்துக்கொள்வது என பார்க்கலாம்.

சர்க்கரையை தவிர்ப்பது என்பது நம் மக்களுக்கு கடினமான ஒரு விஷயமாகும். ஒரு வேளை நம்மால் தினசரி சர்க்கரையின் நுகர்வை குறைக்க முடிந்தால் இது போன்ற நோய் அபாயங்கள் ஏற்படுவதை நம்மால் தடுக்க முடியும். நோயற்ற வாழ்வை வாழ வேண்டும் என்பதே இங்கு பலரது ஆசையாக உள்ளது.

​சர்க்கரை உணவுகள்

அதிகரித்து வரும் ருசியான உணவுகள் காரணமாக உணவுகளில் சர்க்கரை அளவு என்பது அதிகமாகி வருகிறது. நாமும் நமது அன்றாட உணவுகளிலே சுவையை மேம்படுத்துவதற்காக சர்க்கரையை அதிகமாக பயன்படுத்துகிறோம். அதிகப்படியான சர்க்கரை நுகர்வானது உடல் பருமன், இதய நோய்கள், அதிக கொழுப்பு, உயர் ரத்த அழுத்தம் மற்றும் பல நோய்களுடன் தொடர்புடையது ஆகும். இதனால் சர்க்கரை பல ஆரோக்கிய பிரச்சனைகளை உடலில் ஏற்படுத்துகிறது. ஆனால் முன்பே சொன்னது போல அவ்வளவு எளிதில் நம்மால் சர்க்கரை உணவுகளை ஒதுக்கி விட முடியாது. பல நாட்களாக சர்க்கரை உணவுகளை பயன்படுத்திய பின் அவற்றில் இருந்து நீங்குவது சற்று கடினமான காரியம் ஆகும். ஆனால் மனிதனால் முடியாத ஒரு விஷயமல்ல இது. எனவே உடலில் சர்க்கரை அளவை குறைக்க என்ன செய்யலாம் என இப்போது பார்ப்போம்.

​எளிதான விஷயத்தில் இருந்து துவங்குங்கள்

சர்க்கரை இல்லாத உணவுகளை உண்ண துவங்குகிறோம் எனில் முதலில் அதை சிறிய விஷயங்களில் இருந்து உருவாக்க வேண்டும். முதலில் சர்க்கரையை உணவில் இருந்து நீக்குவதற்கான ஒரு திட்டத்தை தயார் செய்ய வேண்டும். துவங்கிய உடனே நம்மால் சர்க்கரையை விட முடியாது. எனவே முதல் சில வாரங்களுக்கு சர்க்கரையின் அளவை குறைத்து அதை பயன்படுத்தலாம்.

இதன் மூலம் சர்க்கரையை குறைத்து பயன்படுத்த நீங்கள் பழகிவிடுவீர்கள். உங்கள் நாவில் இருக்கும் சுவை மொட்டுக்களும் குறைந்த சர்க்கரைக்கு பழகிவிடும். மேலும் இது உங்கள் வாழ்க்கை முறையை மாற்றி அமைக்கும். இறுதியில் பசி கட்டுப்பாடு போன்ற நன்மைகளை நீங்கள் காணலாம்.

​உணவுக்கு சுவை சேர்க்க பழங்களை பயன்படுத்தலாம்

நாம் அன்றாடம் உண்ணும் பல உணவுகளில் சர்க்கரை முக்கிய பொருளாக இருக்கிறது. டீ, காபியில் துவங்கி பாயாசம் வரை பல உணவுகளுக்கு சர்க்கரை அத்தியாவசியமான பொருளாக உள்ளது. ஆனால் இந்திய சமையலை பொறுத்தவரை பல்வேறு உணவுகளுக்கு மசாலா பொருட்களும் இன்றியமையாத பொருளாக உள்ளன.

ஆனால் இனிப்பு சேர்க்க கூடிய பதார்த்தங்களில் நாம் மசாலாவை சேர்க்க முடியாது அல்லவா. எனவே நாம் இனிப்புக்காக அவற்றில் பழங்களை சேர்க்கலாம். வாழைப்பழம், மாம்பழம், பலாப்பழம் போன்ற பழங்கள் இயற்கையாகவே அதிக இனிப்புகளை கொண்டவை. எனவே அவற்றை உணவுகளில் சேர்ப்பதன் மூலம் உங்களுக்கு தேவையான அளவு இனிப்பை உணவில் சேர்க்க முடியும். மேலும் இதனால் எந்த கெடுதலும் ஏற்படுவதில்லை

​செயற்கை இனிப்புகள்

செயற்கை இனிப்புகள் மிக மோசமானவை மிட்டாய்கள் போன்ற இனிப்புகளில் இவை பயன்படுத்தப்படுகின்றன. இவை சர்க்கரையை விடவும் 200 முதல் 13,000 மடங்கு வரை இனிப்பானவை. எனவே இவற்றை தவிர்ப்பது உங்கள் உடல் சுகாதாரத்திற்கு நல்லது. சில பானங்கள் மற்றும் திண்பண்டங்கள் நாம் உண்ணும்போது அதிக இனிப்புடன் இருப்பதை பார்த்திருப்போம். அதற்கு இந்த செயற்கை இனிப்புகளே முக்கிய காரணமாக உள்ளன.

எனவே சர்க்கரையின் மாற்றீடுகளான ஸ்டீவியா, ஸ்ப்ளெண்டா, குளுக்கோஸ், மால்டோஸ், டெக்ஸ்ட்ரோஸ், லாக்டோஸ் என சர்க்கரையின் மாற்று பெயர்களை கொண்ட மற்ற உணவுகளையும் நாம் தவிர்க்க வேண்டும். இல்லையேல் இவை நமக்கு சர்க்கரை மீதுள்ள ஆசையை அதிகப்படுத்தும்.

உண்மையில் நாம் முழுவதுமாக சர்க்கரையை நீக்குவது என்பது மது விலக்கு போல சாத்தியப்படாத ஒரு விஷயமாகும். மேலும் முழுவதும் சர்க்கரையை நீக்குவதால் கூட உடலில் ஆரோக்கிய பிரச்சனைகள் ஏற்படலாம். எனவே சர்க்கரை அளவை குறைப்பதற்கான முயற்சிகளை நாம் மேற்க்கொள்ள வேண்டும். சர்க்கரை சேர்த்துக்கொள்வதை நிறுத்தி கொள்பவர்கள் மாதம் ஒரு முறை சர்க்கரைக்கு ஒரு நாளை ஒதுக்கி அன்று மட்டும் சர்க்கரையில் செய்த உணவுகளை உண்ணலாம்.

மேலே கொடுக்கப்பட்டுள்ள விஷயங்கள் அனைத்தும் தினசரி உணவில் சர்க்கரையை குறைப்பதற்கான டிப்ஸ் ஆகும். ஆனால் குறைந்த சர்க்கரை கொண்டவர்கள் அல்லது அதிக சர்க்கரை கொண்ட நோயாளிகள் உணவை மாற்றுவதற்கு முன்பு உங்கள் மருத்துவரிடம் ஆலோசனை பெற்றுக்கொள்ளவும்.

 

 

 

What’s your Reaction?
+1
0
+1
0
+1
0
+1
0
+1
0
+1
0
+1
0

இதையும் படியுங்கள்

வரும் காதலர் தினத்தில் உங்கள் காதலை முன்மொழிய வெற்றிகரமான சூத்திரம் இதுதான்!

Pagetamil

கோழி இறைச்சியை சமைப்பதற்கு முன் கழுவக்கூடாதா?

Pagetamil

பருவமடைந்த, பிரசவித்த பெண்களுக்கான பிரத்யேக உணவுகள்!

Pagetamil

கணவாய் வறுவல்

Pagetamil

வெங்காயத் தாளில் 10 விதமான ரெசிப்பி!

Pagetamil

Leave a Comment