28.5 C
Jaffna
June 29, 2022
லைவ் ஸ்டைல்

நோய் தீர்க்கும் பாட்டி கால கஞ்சி வகைகள்!

கஞ்சி என்றால் காய்ச்சல் நேரத்தில் மட்டும் எடுக்கப்படும் உணவாக தான் எல்லோரும் பார்க்கிறோம். ஆனால் கஞ்சி உடலுக்கு ஊட்டச்சத்து கொடுக்கும் உணவாகவும் பார்க்கப்படுகிறது.

கஞ்சி. காய்ச்சலுக்கு மட்டும் பயன்படுத்த வேண்டிய உணவு பொருள் அல்ல. நோய் பாதித்த பிறகு அதிலிருந்து மீட்க கூடிய ஊட்டச்சத்து பொருளும் கூட. கொதிகஞ்சி, உறைகஞ்சி, பால் கஞ்சி, ஊட்டக்கஞ்சி, சுடு கஞ்சி என பலவிதமான கஞ்சி வகைகள் உண்டு.

சூப் போன்ற உணவுகள் எல்லாமே இப்போதைய உணவாக இருந்தாலும் இதற்கு முன்னோடி கஞ்சிகள் தான். இந்த கஞ்சி வகைகள் குறித்தும் அதன் நன்மைகள் குறித்தும் பார்க்கலாம்.

காய்ச்சல் கஞ்சி

காய்ச்சலால் அவதிபடும் போது செரிமான பிரச்சனைகள் உண்டாக கூடும். ஜீரணமாகாத கடினமான உணவுகளை தவிர்க்க வேண்டும். அப்போது மென்மையான உணவு பொருள்களை சேர்த்து எடுக்கும் கஞ்சி செரிமான கோளாறை மீட்டெடுக்க உதவும். உடல் இழந்த நீர்ச்சத்தையும் ஈடு கட்ட செய்யும்.

பொதுவாக காய்ச்சல் வந்தாலே உடலில் நீரிழப்பும், செரிமான குறைவும் உண்டாகும். இந்த நேரத்தில் சாதம் வடிக்கும் கஞ்சை மட்டும் தனியாக எடுத்து வைத்து வெதுவெதுப்பான சூட்டில் குடித்து விடவும். இந்த கஞ்சிக்கு அன்னப்பால் என்றும் சொல்வதுண்டு.

​மெலிந்த தேகம் கொண்டவர்களுக்கு கஞ்சி

உடலில் வலுவில்லாமல் மெலிவான தேகத்தை கொண்டவர்களுக்கும், நோய் உற்றவர்களுக்கும் ஏற்ற கஞ்சி இது. துவரம் பருப்பு, உளுத்தம்பருப்பு, சிறுபயறு, புழுங்கலிரிசி போன்றவற்றை சம அளவு எடுக்கவும். காரத்துக்கு மிளகு, சீரகம், பெருங்காயம் போன்றவற்றை தேவைக்கு சேர்த்து ஒரு துணியில் போட்டு முடிச்சிடவும்.

மண் சட்டியில் இதை சேர்த்து ஒரு லிட்டர் நீர் விட்டு அது நான்கில் ஒரு மடங்காக ஆகும் வரை சுண்ட காய்ச்சவும். பிறகு இந்த துணி முடிப்பை எடுத்து அந்த நீரில் மிளகுத்தூள் தூவி குடிக்க வேண்டும்.

இதை வேகவைக்கும் போது உள்ளிருக்கும் பொருள்களின் சத்துக்கள் நீரில் இறங்கும். குழந்தைகள், வயதானவர்கள் உடலில் ஆற்றலை அதிகரிக்க செய்யும். உடல்நிலை மோசமாக இருப்பவர்கள் மீண்டும் தேறிவருவதற்கு இந்த கஞ்சி பெரும் பலமாக இருக்கும்.

​மாதவிடாய் சீராக வருவதற்கு கஞ்சி

உளுந்தங் கஞ்சி, வெந்தயங்கஞ்சி போன்றவை காலங்காலமாக பெண்களின் உடல் இயக்கத்தை சீராக வைத்திருக்க செய்யும். குறிப்பாக கருப்பையை பலமாக வைத்திருக்கும். அதனால் தான் பூப்பெய்திய உடன் பெண் பிள்ளைகளுக்கு உளுந்து, வெந்தயம் அதிகம் சேர்ப்பது வழக்கம். மாதவிடாய் சுழற்சியையும் ஒழுங்குப்படுத்தும், உடலையும் வலுப்படுத்தும்.

வெந்தயத்தில் மாதவிடாய் சார்ந்த கோளாறுகளை நிவர்த்தி செய்யும் சத்துக்கள் உண்டு. உளுந்தப்பருப்பு பாஸ்பரஸ், பொட்டாசியம், சோடியம் போன்ற தாதுகளும் வைட்டமின்களும், நார்ச்சத்தும் உளுந்தில் போதுமான அளவு உள்ளதால் அது உடலை வலுவாக வைத்திருக்க செய்யும்.

​சுக்கு கஞ்சி

மலக்கட்டு, மந்தம் போன்ற பிரச்சனைகளுக்கு இது தீர்வாக இருக்கும். பச்சரியை கஞ்சியாக காய்ச்சும் போது சுக்கை தோல் சீவி சிறு சிறு துண்டுகளாக நறுக்கி துணியில் முடிந்து போடவும். சுக்கின் சாறு முழுவதும் கஞ்சியில் இறங்கி இருக்கும்.

இதூ பசியின்மை மருந்தாகும். வயிற்றில் மந்தம் இருந்தாலும் மலக்கட்டு இருந்தாலும் நீங்கும். காய்ச்சல் இருக்கும் போது இந்த கஞ்சி குடித்தால் காய்ச்சல் குணமாகும். உடலில் இருக்கும் வாய்வுவை நீக்கும். பசியை தூண்டு. உடலை வலுவாக்கும்.

​கொள்ளு கஞ்சி

கப நோயாளிகளுக்கு ஏற்ற கஞ்சி இது. கொள்ளு கஞ்சி உடலுக்கு வலு கொடுக்க கூடும். குதிரையின் சக்திக்கு காரணம் கொள்ளு தான் என்று சொல்வதுண்டு. இளைத்தவனுக்கு எள்ளு கொழுத்தவனுக்கு கொள்ளு என்று சொன்னாலும் கபம் சார்ந்த நிலையில் அதற்கு தீர்வளிப்பது கொள்ளு தான்.

அஜீரணம், நெஞ்செரிச்சல், வயிறு பொருமல் மூணும் குணமாக்கும் பாட்டி கஷாயம், எதிர்ப்பு சக்தியும் உண்டு!

கொள்ளு உடன் புழுங்கலரிசி சம அளவு கலந்து ஒரு டீஸ்பூன் மிளகு, ஒரு டீஸ்பூன் சீரகம் கலந்து விடவும். பிறகு பெருங்காயம், உப்பு சேர்த்து நன்றாக குழைய வேகவைத்து நீர் சேர்த்து கலந்து குடிக்கவும். குளிர்காலத்துக்கு ஏற்ற கஞ்சி இது.

What’s your Reaction?
+1
0
+1
0
+1
0
+1
0
+1
0
+1
0
+1
0

Related posts

வேப்பிலை பேஸ்பேக் செய்வது எப்படி

Pagetamil

தொப்பை வருவதற்குக் காரணம் என்ன?

divya divya

அழகாகவும் ஆரோக்கியமாகவும் இருக்க விரும்புகிறீர்களா? இந்த 10வழிகள் மட்டும் போதும்…

Pagetamil

Leave a Comment

error: Alert: Content is protected !!