மக்கள் ஆணை இல்லாத அரசாங்கம் அரசியலமைப்பை காரணம் காட்டி அடக்குமுறையில் ஈடுபட்டு வருவதாக பல்கலைக்கழகங்களுக்கு இடையிலான மாணவர் சம்மேளனம் குற்றம் சுமத்தியுள்ளது.
அதன் ஏற்பாட்டாளர் வசந்த முதலிகே நேற்று ஊடகங்களுக்கு கருத்து தெரிவிக்கையில், அரசாங்கத்திற்கு பெரும்பான்மையோ அல்லது மக்களின் ஆதரவோ இல்லை என்பதை சுட்டிக்காட்டினார்.
ஜனாதிபதி சட்டங்களை கொண்டு வருவதாகவும், அரசியலமைப்பை பயன்படுத்தி தனது அதிகாரத்தை வெளிப்படுத்துவதாகவும் கூறிய முதலிகே, அவர் வெறுமனே பயப்படுவதாகவும் சுட்டிக்காட்டினார்.
6.9 மில்லியன் வாக்காளர்களைக் கொண்டிருந்த முன்னாள் ஜனாதிபதி கோட்டாபய ராஜபக்ஷவையும், 2/3 பெரும்பான்மையைப் பெற்றிருந்த முன்னாள் பிரதமர் மஹிந்த ராஜபக்ஷவையும் மக்கள் போராட்டம் வெளியேற்றியதாகவும், தற்போதைய அரசாங்கம் மக்களிற்கு ஒரு சவாலே இல்லை என்றும் முதலிகே கூறினார்.
ஜனாதிபதியின் இறுதிக் காலம் நெருங்கி வருவதாகவும், மக்களின் பிரச்சினைகளுக்கு இன்னும் தீர்வு காணப்படாததால், மக்கள் போராட்டம் முடிவுக்கு வராது என்றும் கூறினார்.
