இலங்கை தேசியக்கொடியின் உருவத்துடனான நீச்சலுடை விளம்பரங்களை அகற்றுமாறு, அமேசன் நிறுவத்திடம் இலங்கை கேட்டுள்ளது. எனினும், இதுவரை அவை அகற்றப்படாமல் விளம்பரங்கள் தொடர்கின்றன.
முன்னணி சில்லறை வர்த்தக நிறுவனமான அமேசன் தளத்தில், இலங்கை தேசியக்கொடியின் உருவம் பொதித்த கால்மிதி உள்ளிட்ட வீட்டுப் பொருட்கள், ஆண் பெண்களின் உள்ளாடைகள் விளம்பரப்படுத்தப்பட்டன.
சீன நிறுவனத்தால் தயாரிக்கப்பட்ட கால் மிதிகளிற்கு எதிர்ப்பு கிளம்பியதையடுத்து, சீனாவிலுள்ள இலங்கை தூதரகம், கால்மிதியை தயாரித்த சீனா நிறுவனத்தை தொடர்பு கொண்டது. இதையடுத்து அந்த விளம்பரங்கள் நீக்கப்பட்டன.
எனினும், உள்ளாடை விளம்பரங்கள் தொடர்கின்றன.
இலங்கை தேசியக்கொடியுடனான உள்ளாடைகளின் விளம்பரங்களை நீக்கும்படி அமேசனிடம் கடந்த ஞாயிற்றுக்கிழமை இலங்கை கேட்டுள்ளது. எனினும், இதுவரை அவை அகற்றப்படவில்லை.
