என்னால் கொவிட் நிதியத்துக்கு முழுச் சம்பளத்தையும் வழங்க முடியாது என பொதுஜன பெரமுனவின் பாராளுமன்ற உறுப்பினரான டிலான் பெரேரா தெரிவித்தார்.
ஸ்ரீ லங்கா பொதுஜன முன்னணியின் தலைமையகத்தில் இன்று (25) நடைபெற்ற ஊடகவியலாளர் சந்திப்பின் போதே, அவர் இவ்வாறு தெரிவித்தார்.
அவர் மேலும் தெரிவிக்கையில்,
கொவிட் நிதியத்திற்கு தன்னால் அரைவாசி சம்பளத்தையே வழங்க முடியும், முழு சம்பளத்தையும் அளித்தால் தன்னால் உயிர்வாழ முடியாது எனவும் கூறினார்.
தான் இப்பொழுது சட்டத்தரணியாக பணியாற்றாமல் விட்டதால் பொருளாதார சிரமங்கள் இருப்பதாக தெரவித்தார்.
அவர் தனது சேமிப்பு அனைத்தையும் ஒரு தனியார் நிதி நிறுவனத்தில் வைப்பிலிட்டதாகவும், அந்த நிறுவனம் வீழ்ச்சியடைந்ததால் பணம் அனைத்தும் வீணாகி, ஐந்து சதத்தை கூட பெற முடியவில்லை என்றார்.
தனது மனைவியின் சிறிய வேலையில் வாழ்வதாகவும், மனைவி தனது சம்பளத்தில் 50% ஒரு சமூகப் பொறுப்பாக நன்கொடையாக வழங்கினாலும், அரச ஊழியர்களை இதுபோன்ற தியாகங்களை செய்யும்படி கேட்க முடியாது என்று அவர் கூறினார்.
“எனக்கே இது சிரமமாக இருந்தால், அரச ஊழியர்களுக்கு எவ்வளவு கடினமாக இருக்கும்?” என கேள்வியெழுப்பியிருந்தார்.
