மாவீரர் அஞ்சலிக்கு எதிராக இனி கடும் நடவடிக்கை: பொலிஸ்மா அதிபர் நீதிமன்றத்தில் உத்தரவாதம்!

Date:

போரில் மரணித்த தமிழீழ விடுதலைப் புலிகளின் உறுப்பினர்களை நினைவு கூர்ந்து வடக்கு கிழக்கில் நடத்தப்படும் மாவீரர் தின நிகழ்வுகளுக்கு” ​​எதிராக அதிகபட்சமாக சட்டத்தை அமுல்படுத்த நடவடிக்கை எடுக்கப்பட்டுள்ளதாக பொலிஸ் மா அதிபர் நேற்று (4) மேன்முறையீட்டு நீதிமன்றில் தெரிவித்தார்.

இராணுவத்தின் முன்னாள் புலனாய்வு அதிகாரியான ஆனந்த ஜயமன்னவினால், மாவீரர் தின நிகழ்வுகளுக்கு எதிராக சட்டத்தை அமுல்படுத்தும்படி பொலிஸ்மா அதிபருக்கு உத்தரவிடக் கோரி சமர்ப்பிக்கப்பட்ட மனுவொன்று விசாரணைக்கு அழைக்கப்பட்ட போதே பொலிஸ் மா அதிபர் சார்பில் ஆஜரான சிரேஷ்ட அரசாங்க சட்டத்தரணி ஷமிந்த விக்கிரம இந்த அறிவித்தலை விடுத்தார்.

எஸ்.யு.பி.கரலியத்த மற்றும் மாயாதுன்ன கோரயா ஆகியோர் அடங்கிய மேன்முறையீட்டு நீதிமன்ற அமர்வு முன்பாக இந்த மனு நேற்று விசாரணைக்கு எடுத்துக்கொள்ளப்பட்டது.

இதுவரையில் மாவீரர் நாள் நிகழ்வுகள் தொடர்பில் நடத்தப்பட்ட விசாரணைகள் தொடர்பிலான முழுமையான அறிக்கையை தாக்கல் செய்துள்ளதாக பிரதிவாதிகள் சார்பில் ஆஜரான சிரேஷ்ட அரச சட்டத்தரணி ஷமிந்த விக்ரம நீதிமன்றத்தில் தெரிவித்தார்.

இது தொடர்பில் பொலிஸ் மா அதிபரும் நீதிமன்றில் வாக்குமூலம் சமர்ப்பித்துள்ளதோடு, அதன் ஊடாக மாவீரர் துயிலுமில்லங்கள் தொடர்பான சட்டத்தை சிறந்த முறையில் அமுல்படுத்த பொலிஸார் பாடுபட்டுள்ளதாகவும் பொலிஸ் மா அதிபர் தெரிவித்துள்ளார். இனிமேல் இவ்வாறான சட்டவிரோத சம்பவங்கள் தொடர்பில் அதிகபட்சமாக சட்டத்தை அமுல்படுத்த நடவடிக்கை எடுப்பேன் என நீதிமன்றில் உறுதிமொழி வழங்குவதாக சட்டத்தரணி குறிப்பிட்டுள்ளார்.

முன்வைக்கப்பட்ட உண்மைகளை பரிசீலித்த மனுதாரர் சார்பில் ஆஜரான சட்டத்தரணி, இந்த சட்டவிரோத செயல் தொடர்பில் சட்ட நடவடிக்கை எடுப்பதாக பொலிஸ் மா அதிபர் நீதிமன்றில் உறுதிமொழி வழங்கியிருப்பதால், இந்த மனுவை தொடர வேண்டிய அவசியமில்லை என தெரிவித்தார்.

இதன்படி மனுவை வாபஸ் பெற அனுமதிக்குமாறு சட்டத்தரணி நீதிமன்றத்தில் கோரிக்கை விடுத்தார்.

அதன்படி, மனு மீதான விசாரணையை முடித்துக் கொள்ள முடிவு செய்த மேல்முறையீட்டு நீதிமன்ற பெஞ்ச், பின்னர் மனுவை வாபஸ் பெற அனுமதித்தது.

spot_imgspot_img

More like this
Related

மெக்சிகோவின் சக்திவாய்ந்த போதைப்பொருள் கடத்தல் மன்னன் கைது – நாடு முழுவதும் வன்முறை; 11 பேர் பலி!

பத்து ஆண்டுகளுக்கும் மேலாகப் பாரிய அளவிலான போதைப்பொருள் கடத்தல் நடவடிக்கைகளை முன்னெடுத்து...

மாத்தளை பொலிஸ் நிலையத்தில் உயிரிழந்த சந்தேகநபர் – அதிகளவு ஐஸ் போதைப்பொருள் பயன்படுத்தியதே காரணம்!

மாத்தளை பொலிஸ் நிலையத்தின் தடுப்புக் காவல் அறையில் தடுத்து வைக்கப்பட்டிருந்தபோது திடீரென...

யாழ்ப்பாணப் பல்கலைக்கழகத்தில் மாணவர்கள் இடையே மோதல் – 5 பேர் காயம், 21 பேர் விளக்கமறியலில்!

யாழ்ப்பாணப் பல்கலைக்கழகத்தின் முகாமைத்துவ பீடத்தைச் சேர்ந்த இரு மாணவர் குழுக்களுக்கு இடையே...
spot_imgspot_img
spot_imgspot_img

பரபரப்பான செய்திகள்