தொடர்ச்சியாக 13 நாட்கள் நடத்தப்பட்ட தாக்குதல்களுக்குப் பிறகு, ஈரான் மீதான தாக்குதல் திட்டங்களைக் கைவிட அமெரிக்க ஜனாதிபதி முடிவு செய்துள்ளதாக நியூயோர்க் டைம்ஸ் மற்றும் ஆக்சியோஸ் செய்தி வெளியிட்டுள்ளன.
போரைத் தீவிரப்படுத்துவது, “மத்திய கிழக்கில் பென்டகனின் ஏற்கனவே குறைந்துவிட்ட பேட்ரியாட் ஏவுகணை எதிர்ப்பு இடைமறிப்பிகள் மற்றும் பிற வான் பாதுகாப்பு ஆயுதங்களின் இருப்பை ஆபத்தான முறையில் குறைத்துவிடும்” என்ற கவலைக்கு மத்தியில் ட்ரம்பின் இந்த முடிவு எடுக்கப்பட்டதாக, டிரம்ப் நிர்வாக அதிகாரிகளை மேற்கோள் காட்டி டைம்ஸ் கூறியுள்ளது.
வெள்ளிக்கிழமையன்று டிரம்ப், அவரது உயர்மட்ட ஆலோசகர்கள் மற்றும் அவரது அமைச்சரவையின் மூத்த உறுப்பினர்களுக்கு இடையே நடந்த சந்திப்பைத் தொடர்ந்து இந்த முடிவு எடுக்கப்பட்டதாக அது கூறியது.
இந்த முடிவு குறித்து அறிந்த இரண்டு பெயர் குறிப்பிடப்படாத வட்டாரங்களை மேற்கோள் காட்டி, தாக்குதல்களை நிறுத்துவதற்கான டிரம்பின் உத்தரவு ஒரு தற்காலிகமானதா அல்லது இந்த இடைநிறுத்தம் தொடருமா என்பது தெளிவாகத் தெரியவில்லை என்று ஆக்சியோஸ் கூறியுள்ளது.
டிரம்பின் இந்த முடிவு, “ராஜதந்திரத்திற்கு அதிக இடமளிக்கும் அவரது விருப்பத்தையும், பெரிய அளவிலான போர் நடவடிக்கைகளுக்குத் திரும்புவதைத் தவிர, தற்போதைய அமெரிக்கத் தாக்குதல்களின் செயல்திறன் அதன் உச்சவரம்பை எட்டியுள்ளது என்ற அங்கீகாரத்தையும் பிரதிபலிக்கிறது” என்று அது கூறியது.
மீண்டும் பெரிய அளவிலான போர் நடவடிக்கைகளில் ஈடுபடுவதற்கான சாத்தியக்கூறுகள் குறித்து அமெரிக்க இராணுவம் திட்டங்களைத் தயாரித்து வருவதாக, அந்த வட்டாரங்கள் கூறியதாக அது மேற்கோள் காட்டியது.
