மட்டக்களப்புக்கு ஜனாதிபதி அனுர குமார திசாநாயக்க மேற்கொண்ட பயணத்தின் போது நடைபெற்ற சந்திப்பைத் தொடர்ந்து, அம்பிட்டிய சுமனரத்ன தேரர், “ராஜபக்ச நிகாயம்” என்று அவர் விவரித்ததிலிருந்து விலகுவதாகக் கூறி, ஜனாதிபதி அனுர குமார திசாநாயக்கவுக்கு தனது ஆதரவைத் தெரிவித்துள்ளார்.
சந்திப்பிற்குப் பிறகு வெளியிடப்பட்ட காணொளி அறிக்கை ஒன்றில், ஜனாதிபதியுடன் பேச்சுவார்த்தை நடத்தும் முயற்சிகள் தோல்வியுற்றால், அடுத்தகட்டமாக ஒரு படி முன்னேறுவேன் என்று முன்னரே ஒரு செய்தியைப் பகிர்ந்திருந்ததாக சுமணரத்ன கூறினார்.
பயணத்தின் போது ஜனாதிபதி திசாநாயக்கவுடன் தொடர்பு கொள்ள முயற்சி செய்ததாகவும், ஆரம்பத்தில் அத்தகைய ஒரு வாய்ப்பு அமையும் என்று எதிர்பார்க்கவில்லை என்றும் அவர் கூறினார்.
சுமணரத்னவின் கூற்றுப்படி, அவரது முந்தைய செய்திக்குப் பிறகு, சிரேஷ்ட பொலிஸ் அதிகாரிகளும் ஜனாதிபதி பாதுகாப்புப் பிரிவு அதிகாரிகளும் ஜனாதிபதியுடன் ஒரு சந்திப்பிற்கு ஏற்பாடு செய்தனர், இது இரு தரப்பினரும் கலந்துரையாட வழிவகுத்தது.
சந்திப்பின் போது கிழக்கு மாகாணம் தொடர்பான பல பிரச்சினைகளையும் கவலைகளையும் எழுப்பியதாகவும், அவற்றுக்குத் தீர்வு காண நடவடிக்கை எடுக்கப்படும் என்று ஜனாதிபதி தனக்கு உறுதியளித்ததாகவும் அம்பிட்டிய சுமனரத்ன தேரர் கூறினார்.
தனது கருத்துக்களைக் கேட்டதற்கும், கலந்துரையாட வாய்ப்பளித்ததற்கும் ஜனாதிபதி திசாநாயக்கவுக்கு நன்றி கூறினார்.
மேலும், ஜனாதிபதி பதவியில் இருக்கும் வரை அவருக்குத் தனது “முழுமையான ஆதரவை” வழங்குவதாகவும், “ராஜபக்ச நிகாயத்திலிருந்து” தன்னை விலக்கிக் கொள்வதாகவும் அவர் கூறினார்.
நாட்டை ஒரு நேர்மறையான திசையில் கொண்டு செல்வதற்கான ஜனாதிபதியின் முயற்சிகளுக்கு ஆதரவளிக்கத் தயாராக இருப்பதாகவும் தேரர் கூறினார்.
