திருடப்பட்ட இரண்டு எருமை மாடுகளை வைத்திருந்த ஐக்கிய மக்கள் சக்தியின் பிரதேச சபை உறுப்பினரும் கந்தளாய் பிரதேச சபையின் எதிர்க்கட்சித் தலைவராக செயற்பட்டவவரை, மூதூர் நீதவான் தஸ்லிம் முகமது பவ்சன் நேற்று முன்தினம் (02) 16 ஆம் திகதி வரை விளக்கமறியலில் வைக்க உத்தரவிட்டார்.
சேருநுவர, சிறிமங்கலபுரத்தைச் சேர்ந்த எல்.ஏ. சேனாரத்ன லியனாராச்சி என்பவர் தாக்கல் செய்த புகாரைத் தொடர்ந்து, ஓகஸ்ட் 13 ஆம் திகதி சந்தேகத்திற்குரிய பிரதேச சபை உறுப்பினரின் மாட்டுத் தொழுவத்தில் இரண்டு திருடப்பட்ட எருமைகளை கந்தளாய் பிரதேச குற்றப் புலனாய்வுப் பணியகம் கண்டுபிடித்ததாக போலீசார் நீதிமன்றத்தில் தெரிவித்தனர்.
பசுக்கள் டி.எஸ். என்ற பெயரில் சந்தேக நபரால் குறிசுடப்பட்டிருந்தது. சந்தேக நபர் மீது திருடப்பட்ட பொருட்களைப் பெறுதல், திருடப்பட்ட பொருட்களை மறைப்பதற்கு உதவுதல் மற்றும் உடந்தையாக இருத்தல் ஆகிய குற்றச்சாட்டுகள் சுமத்தப்பட்டன.
குற்றவியல் சட்டத்தின் பிரிவுகள் 394, 396 மற்றும் 397 இன் கீழ் குற்றச்சாட்டுகளை பரிசீலித்த நீதவான், சந்தேக நபரை 16 ஆம் திகதி வரை காவலில் வைக்க உத்தரவிட்டார்.
