இலங்கையின் ஏற்றுமதி வருமானத்தில் முன்னேற்றம் ஏற்பட்டுள்ளதாக தகவல்கள் வெளியாகியுள்ளன.
2025 ஜனவரி மாதத்தில், இலங்கையின் மொத்த ஏற்றுமதி வருவாய் 1.3 பில்லியன் அமெரிக்க டொலரை தாண்டியுள்ளது என்று இலங்கை ஏற்றுமதி அபிவிருத்தி சபை அறிவித்துள்ளது. இது, நாட்டின் பொருளாதார வளர்ச்சியில் முக்கியமான முன்னேற்றமாக கருதப்படுகின்றது.
இலங்கை ஏற்றுமதி அபிவிருத்தி சபையின் அறிக்கையில், கடந்த ஆண்டு ஜனவரிக்கு நிகராக, பொருட்கள் ஏற்றுமதி வருவாயில் 3.51 சதவீதம் அதிகரிப்பும், விவசாய ஏற்றுமதி வருவாயில் 14.87 சதவீதம் அதிகரிப்பும் ஏற்பட்டுள்ளதாக கூறப்பட்டுள்ளது.
மேலும், தொழில்துறை ஏற்றுமதி வருவாயில் 0.08 சதவீதம் வளர்ச்சி ஏற்பட்டுள்ளதோடு, சேவை ஏற்றுமதி வருவாயில் 37.87 சதவீதம் அதிகரிப்பு காணப்பட்டுள்ளது.
இந்த முன்னேற்றங்களின் மூலம், 2025 ஜனவரியில் பொருட்கள் மற்றும் சேவைகள் சேர்த்து மொத்த ஏற்றுமதி வருவாய் 1,334.19 மில்லியன் அமெரிக்க டொலராக பதிவு செய்யப்பட்டுள்ளது.
இந்நிலையில், இந்த வளர்ச்சி இலங்கையின் பொருளாதார வெற்றிக்கு வழிவகுக்கும் என்றும், எதிர்காலத்தில் மேலும் அதிகமான ஏற்றுமதி வருமானம் பெறுவதற்கான வாய்ப்புகளைக் கூறியுள்ளது.
