சோதனையின் போது துப்பாக்கிகள், ரவைகள் மற்றும் ஹெரோயின் போதைப்பொருளுடன் ஒருவர் பொலிஸாரால் கைது செய்யப்பட்டுள்ளார்.
உரகஸ்மன்ஹந்திய, கொட்டகிரல்ல பகுதியில் பொலிஸாரின் விசேட சோதனை நடவடிக்கையின்போது துப்பாக்கிகள், ரவைகள் மற்றும் ஹெரோயின் போதைப்பொருளுடன் ஒருவர் கைது செய்யப்பட்டுள்ளார்.
பொலிஸாருக்கு கிடைத்த இரகசிய தகவலின் அடிப்படையில் மேற்கொள்ளப்பட்ட சோதனையின் போது, சந்தேக நபரிடமிருந்து வெளிநாட்டில் தயாரிக்கப்பட்ட ஒரு போர் துப்பாக்கி, ஒரு வெளிநாட்டு ரிவோல்வர், மற்றொரு துப்பாக்கி, 10 ரவைகள் மற்றும் 2.5 கிராம் ஹெரோயின் கைப்பற்றப்பட்டுள்ளதாக பொலிஸார் தெரிவித்துள்ளனர்.
கைது செய்யப்பட்ட நபர் மஹா உரகஹா பகுதியில் வசிக்கும் 35 வயதுடையவர் என தெரியவந்துள்ளது.
இவரது செயல்பாடுகள் தொடர்பாக மேலும் விசாரணைகள் முன்னெடுக்கப்படுவதாகவும், சட்டத்தொடர்பான நடவடிக்கைகள் விரைவில் மேற்கொள்ளப்படும் எனவும் பொலிஸார் தெரிவித்துள்ளனர்.
இது தொடர்பாக மேலதிக விசாரணைகள் தொடர்ந்தும் பொலிஸாரால் இடம்பெற்று வருகின்றன.
