மட்டக்களப்பு வாகரை பிரதேச காட்டுப் பகுதியில் சட்ட விரோத கசிப்பு உற்பத்தி நடவடிக்கையில் ஈடுபட்ட 3 பேர்கள் நேற்று சனிக்கிழமை (11) கைது செய்யப்பட்டுள்ளதாக வாகரை பொலிசார் தெரிவித்தனர்.
பிரதேச இராணுவ புலனாய்வு பிரிவினருக்கு கிடைத்த இரகசிய தகவலையடுத்து விசேட அதிரடிப் படையினருடன் இணைந்து மேற்கொண்ட சுற்றி வளைப்பினால் இவர்கள் கைது செய்யப்பட்டு மேலதிக சட்ட நடவக்கைக்காக வாகரை பொலிசாரிடம் ஒப்படைக்கப்பட்டுள்ளனர்.இவர்களிடமிருந்து 270 லீற்றர் கசிப்பு வடி சாராயமும் 9 கோடா பரல்களும் கைப்பற்றப்பட்டுள்ளதாக பொலிசார் தெரிவித்தனர்.
கதிரவெளி அம்பந்தனாவெளி களப்பு பிரதேசத்தில் வைத்தே இவைகள் கைப்பற்றப்பட்டுள்ளதாக மேலும் தெரிவித்தனர்.
-க.ருத்திரன்-
