28 C
Jaffna
February 4, 2025
Pagetamil
முக்கியச் செய்திகள்

‘கொழும்பு சொகுசு மாளிகை பறிபோய்விடக்கூடாதென்பதற்காகவே தமிழ் பொது வேட்பாளரை இரா.சம்பந்தன் எதிர்க்கிறார்’: க.வி.விக்னேஸ்வரன்!

கொழும்பில் அரசாங்கத்தால் வழங்கப்பட்ட சொகுசு இல்லம் பறிபோய் விடக்கூடாது என்பதற்காகவே, ஜனாதிபதி தேர்தலில் தமிழ் பொதுவேட்பாளர் நிறுத்தப்படுவதை இரா.சம்பந்தன் எதிர்க்கிறார் என தமிழ் மக்கள் கூட்டணியின் செயலாளர் க.வி.விக்னேஸ்வரன் தெரிவித்துள்ளார்.

அவர் அனுப்பி வைத்துள்ள மாதாந்த கேள்வி- பதில் அறிக்கையில் இந்த விடயம் குறிப்பிடப்பட்டுள்ளது.

அந்த கேள்வி- பதில் அறிக்கை வருமாறு-

கேள்வி: ஐயா! நீங்கள் மத்திய அரசாங்கம் கொண்டுவரும் சட்டங்கள் பற்றி பாராளுமன்றத்தில் அதிகம் சிரத்தை காட்டுவதில்லை. முன்னர் நீதித்துறை (துரனiஉயைட) செயலாற்றுத்துறை (நுஒநஉரவiஎந) சார்ந்தவராக இருந்து இன்று நீங்கள் சட்ட இயற்றுநராக இருக்கின்றபடியால் அரசாங்கத்திற்கும் நாட்டுமக்களுக்கும் நீங்கள் முன்னணியில் நின்று உதவிபுரிய வேண்டும் அல்லவா? அவ்வாறு செய்வதில்லை ஏன்?

பதில்: வெற்றிகரமான வாழ்க்கை வாழ்ந்துவிட்டு நாவிருபது வருடங்களுக்குப் பின்னரும் பாராளுமன்றம் செல்ல உத்தேசித்தது பெரும்பான்மையினர் எம்மை ஆளுவதற்காக நான் அவர்களுக்கு அறிவுரை வழங்குவதற்கு அல்ல. முக்கியமாக தமிழ் மக்களின் அவலங்களை உலகறியச் செய்யவே பாராளுமன்ற தேர்தலில் நான் பங்கேற்றேன். எனது பதவியானது நாட்டின் மற்றைய இனங்களுக்கும் உலகத்தோருக்கும் எமது வடக்குகிழக்கு தமிழர்கள் பற்றிய அறிவைக் கொண்டு செல்லவே பாவிக்கப்படுகின்றது. இதுவரையில் பல வெளிநாட்டு அரச அலுவலர்களுக்கு எம் உண்மை நிலைபற்றி அறிவித்துவிட்டேன். மேலும் எமது நாட்டின் மக்களின் வரலாறு பற்றியும் கூறிவருகின்றேன்.
அரசாங்கத்திடம் இருந்து அமைச்சுப் பதவிகளையோ வேறு சலுகைகளையோ பெற எத்தனிப்பவர்கள் தான் சிங்களப் பெரும்பான்மையோர் தமக்கு சாதகமாக சட்டம் இயற்ற விழையும் போது அவர்களுக்கு உதவிபுரியவேண்டும். ஆனால் தமிழ்மக்களுக்குப் பாதகம் மற்றும் பங்கம் ஏற்படுத்தும் சட்டவரைபுகளை விமர்சித்தே வருகின்றேன். எனது பாராளுமன்ற பேச்சுக்களை பரிசீலித்துப் பார்ப்பீர்களானால் அது புரியும்.
எனது முக்கிய கடமையாக நான் ஏற்றுக்கொண்டிருப்பன பின்வருமாறு

1. தமிழ்மக்களின் அவலநிலையை உலகத்தோருக்கும் இந்நாட்டுமக்களுக்கும் எடுத்துக் கூறுவது.

2. நடக்கும் அநியாயங்களை அடையாளப்படுத்தி அவை நடவாமல் பாதுகாக்க உரிய நடவடிக்கைகள் எடுப்பது.

3. எமது வடக்கு கிழக்கு தமிழ்பேசும் மக்களை ஒற்றுமைப்படுத்துவது.
இந்த நோக்குடன் வடமாகாண சபையில் 2015ம் ஆண்டு பெப்ரவரி 10ம் திகதி வெளிக்கொண்டு வந்த இனவழிப்பு பற்றிய பிரேரணையின் ஒரு நீட்சியாக எம்மக்களுக்கு நடந்த அநியாயங்கள் பற்றிய முழு விபர நூல் ஒன்றினை எமது கட்சி வெளியிட இருக்கின்றது. வெகுவாக எனது நேரம் அதனுடன் செலவிடப்பட்டுள்ளது.
இவற்றைவிட பல கேள்வி பதில்கள்இ பிறநாட்டு இராஜதந்திரிகளுடனான கருத்துப் பரிமாற்றங்கள்இ தமிழ் ஆங்கில சிங்கள செவ்விகள்இ மேடைப்பேச்சுகள் போன்றவற்றின் மூலமும் எமது வரலாறுஇ எமது அண்மைய அவலநிலை வருங்காலத்தில் நாம் முகங்கொடுக்கக் கூடிய இன்னல்கள் போன்ற பலவற்றைப் பற்றியும் ஊரறிய உலகறியக் கூறிவருகின்றேன்.

சிங்களத் தலைவர்களை நான் அறிவேன். காரியம் ஆகும் வரையில் காலைப்பிடிப்பார்கள்; காரியமானவுடன் கழுத்தைப் பிடிப்பார்கள் அவ்வாறானவர்களுக்கு எனது அறிவையும் நிபுணத்துவத்தையும் நேரத்தையும் செலவிடுவதால் எமது தமிழ்பேசும் மக்களுக்கு எதுவும் ஆகப்போவதில்லை.

இவ்வாறான சிந்தனையின் அடிப்படையிலேயே தமிழ்பேசும் பொதுவேட்பாளர் ஒருவரை ஜனாதிபதி தேர்தலில் பங்குபற்ற வைக்க வேண்டும் என்று கூறி வருகின்றேன்.
திரு.சம்பந்தன் அவர்கள் துரதிஸ்டவசமாகத் தனது சொந்த காரணங்களுக்காக தமிழ்வேட்பாளர் ஒருவரை முன்னிறுத்துவதை எதிர்க்கின்றார். வடகிழக்கு தமிழ் மக்களின் வருங்காலம் பற்றி அவர் ஆழ்ந்து சிந்தித்தால் தமிழ் பொதுவேட்பாளர் ஒருவரை முன்னிறுத்தி தேர்தலில் பங்கு பற்ற வைப்பதே உசிதமான செயல் என்று விளங்கும். திரு.சம்பந்தன் அவர்கள் தற்பொழுதும் எதிர்க்கட்சித் தலைவரின் உத்தியோகபூர்வ வாசஸ்தலத்திலேயே வாழ்ந்து வருகின்றார். அரசாங்க பெரும்புள்ளிகளின் தயவிலேயே அவர் அங்கு வாழ்கின்றார். சிங்கள வேட்பாளர்களுக்கு கிடைக்ககூடிய தமிழரின் வாக்குகள் சிதறிபோவதை இதனால்தான் அவர் எதிர்க்கின்றார். தமிழர்களின் இறந்த காலத்தையும் நிகழ்காலத்தையும் கூர்ந்து அவதானித்தாரானால் தமிழரின் எதிர்காலம் பற்றி ஆழமாக சிந்திப்பாரானால்; தமிழ் பொது வேட்பாளர் ஒருவரை நிறுத்துவதை அவர் மனமார வரவேற்க வேண்டும்.

தமிழ்பொதுவேட்பாளர் தகமைகள் உடையவராக இருந்தால் பல நன்மைகளை தமிழ்மக்களுக்குப் பெற்றுக்கொடுப்பார்-

1. தமிழர்களின் அரசியல் பிரச்சனை இன்றுவரை தீரக்கப்படவில்லை என்பதையும் எமது பிரச்சனை என்ன என்பது பற்றியும் மக்களுக்கும் மற்றைய நாட்டவர்களுக்கும் அவர்களுக்கு புரியும் மொழியில் சொல்லி வைக்கலாம்.

2. தமிழர்கள் எதை தீர்வாக பெற எத்தனிக்கிறார்கள்; என்பது பற்றியும் அதற்கான காரணங்களையும் வெளிப்படையாக எடுத்துக் கூறலாம்.

3. தமிழ்பேசும் மக்களிடையே ஒற்றுமையை நிலைநாட்டலாம்.

4. பேரம்பேசவரும் மற்றைய போட்டியாளர்களை எதைத் தருவீர்கள் என்று கேட்டு அவர்களை வெளிப்படையாக ஏற்க வைக்கலாம். இதற்கு ஏதேனும் ஒரு நாட்டின் இராஜதந்திரியை மத்தியஸ்தராக நிலைநிறுத்தி எழுத்தில் உடன்பாட்டைப் பெற்றபின் தமிழர்கள் என்ன செய்யவேண்டும் என்பதைப் பற்றித் தீர்மானிக்கலாம்.

5. பகிஸ்கரிப்பதால் எந்த நன்னையும் ஏற்படாது.அரசாங்க ஆதரவு சக்திகள் எங்கள் வாக்குகளையும் தமது தலைவர்களுக்குப் பெற்றுக் ;கொடுத்து விடுவார்கள்.முன்னர் பகிஸ்கரித்தபடியால் பதவிக்கு வந்தவர்கள் தான் பகிஸ்கரிக்க கோரியவர்களை அழித்தார்கள். ஆயுதங்களை மௌனிக்கச் செய்தார்கள்.

6. இன்னுமொரு உபாயம் உள்ளது. தமிழர்கள் அனைவரையும் தமது வாக்குகளை தகுதியற்றதாக்கக் கோரலாம். ஆனால் அதிலும் அரச சார்பு சக்திகளின் நடவடிக்கைகள் எமக்கு தோல்வியையே நல்கும்.

என்னிடம் கேட்ட கேள்விக்கு மேலதிகமாகவே பதில் அளித்துள்ளேன். காரணம் எமது பிரச்சனைகள் வேறு; மத்திய அரசாங்கத்தின் மற்றும் சிங்கள அரசியல்வாதிகளின் பிரச்சனை வேறு. எம்மை பலமிழக்கச் செய்து எமக்கு பல இன்னல்களை விளைவிக்கும் மத்திய அரசாங்கத்துக்குத் துணை போகாது எமது மக்களுக்கான சேவையை ஆற்றுவதே எனது கடப்பாடு. அதனையே நான் செய்து வருகின்றேன்.

 

What’s your Reaction?
+1
0
+1
0
+1
0
+1
0
+1
0
+1
0
+1
0

இதையும் படியுங்கள்

‘மாவையை நீதிமன்றத்தில் நிறுத்திய போது…’: பழைய நினைவுகளை மீட்ட விக்னேஸ்வரன்!

Pagetamil

தீயில் சங்கமித்தார் மாவை!

Pagetamil

மாவை காலமானார்!

Pagetamil

அர்ச்சுனா எம்.பி கைது!

Pagetamil

மூளையில் அதிக இரத்தக்கசிவு… கோமா நிலை… தொடர்ந்து செயற்கைச் சுவாசம்; மிகமிக ஆபத்தான கட்டத்தில் மாவை: நள்ளிரவில் மாவை வீட்டில் நடந்தது என்ன?

Pagetamil

Leave a Comment