அரகலய மக்களின் போராட்டம் மற்றும் முன்னாள் ஜனாதிபதி கோட்டாபய ராஜபக்ஷவை பதவி நீக்கம் செய்யாவிட்டால் வரி அதிகரிப்பு ஏற்பட்டிருக்காது என பாராளுமன்ற உறுப்பினர் நாமல் ராஜபக்ஷ தெரிவித்துள்ளார்.
எரிபொருட்களின் விலைகள் மற்றும் வரிகள் ஏன் அதிகரிக்கப்படவில்லை, ஏன் சர்வதேச நாணய நிதியத்தை அரசாங்கம் அணுகவில்லை என முன்னாள் ஜனாதிபதி கோட்டாபய ராஜபக்ஷவிடம் பொதுமக்கள் முன்னர் கேள்விகளை எழுப்பினர் என நாமல் தெரிவித்தார்.
“தற்போதைய எரிபொருள் விலைகள் மற்றும் வரி அதிகரிப்புடன் இந்தக் கேள்விகள் அனைத்திற்கும் விடைகள் கிடைத்துள்ளன. ‘அறகலய’ முன்னெடுக்கப்படாவிட்டால் மற்றும் கோட்டாபய ராஜபக்ஷவை விரட்டியடிக்கப்படாவிட்டால், வரி மற்றும் பயன்பாட்டு கட்டணங்களில் இந்த அதிகரிப்பு ஏற்பட்டிருக்காது” என கூறினார்.
பொதுமக்களின் வசதிக்காக வரி மற்றும் பயன்பாட்டு கட்டணங்களை குறைத்த ஒரு தலைவரை ‘அரகலயா’ அகற்றியதாக நாமல் தெரிவித்தார்.
எவ்வாறாயினும், சர்வதேச நாணய நிதியத்தின் அளவுகோல்களை குற்றம்சாட்டுவதற்கு பதிலாக, ஒரே குழுவினருக்கு மீண்டும் மீண்டும் வரி விதிக்கப்படுகிறது. இந்த நிலைமையை எதிர்கொள்ள தேசிய பொருளாதார பொறிமுறையை வலுப்படுத்துவது அவசியம் என்று பாராளுமன்ற உறுப்பினர் நாமல் கூறினார்.
எதிர்வரும் வரவு செலவுத் திட்ட பிரேரணைக்குள் இது தொடர்பான கொள்கை ரீதியான தீர்மானங்களை எடுக்க வேண்டியதன் அவசியத்தை ஸ்ரீலங்கா பொதுஜன பெரமுன ஜனாதிபதிக்கு அறிவித்துள்ளதாக பாராளுமன்ற உறுப்பினர் ராஜபக்ஷ மேலும் தெரிவித்தார்.
