மூன்று வயதுக் குழந்தையின் வாயில் தீக்குச்சியால் எரித்த மூன்று வயது குழந்தையின் தாயை சந்தேகத்தின் பேரில் கைது செய்ததாக தியுலப்பிட்டிய பொலிஸார் தெரிவித்தனர்.
திவுலபிட்டிய பிரதேசத்தை சேர்ந்த 29 வயதுடைய பெண்ணொருவரே சந்தேகத்தின் பேரில் கைது செய்யப்பட்டுள்ளார்.
இந்த குழந்தையின் மேல் உதட்டில் தீக்காயங்களின் அடையாளமும் காணப்படுவதாக பொலிஸார் தெரிவிக்கின்றனர்.
கெட்ட வார்த்தைகளை கூறியதால், இனிமேல் அந்த வார்தையை பயன்படுத்தக்கூடாது என பயமுறுத்துவதற்காக, தீக்குச்சியைக் கொளுத்தி, வாயில் நெருக்கமாக வைத்திருந்ததாக சந்தேகநபர் கூறுவதாக பொலிஸார் தெரிவிக்கின்றனர்.
அப்போது குழந்தையின் மேல் உதடு எரிந்துள்ளதாகவும் பொலிஸார் தெரிவித்தனர்.
பொலிஸ் 118 அவசர அழைப்புப் பிரிவினருக்கு கிடைத்த தகவலின் பேரில் திவுலப்பிட்டி பொலிஸ் குற்றப் புலனாய்வுப் பிரிவினர் குழந்தை தங்கியிருந்த வீட்டை சோதனையிட்டதுடன் விசாரணைகளை ஆரம்பித்ததுடன் குழந்தையின் தாயை சந்தேகத்தின் பேரில் கைது செய்தனர்.
