இலங்கையைச் சேர்ந்த 45 வயதுடைய பெண் யானை ஒன்று வயது தொடர்பான பிரச்சினைகளால் உடல்நிலை மோசமடைந்ததால் அமெரிக்காவின், சான் டியாகோ மிருகக்காட்சிசாலையில் கருணைக்கொலை செய்யப்பட்டுள்ளது.
மிருகக்காட்சிசாலை வெளியிட்ட அறிக்கையில், தேவியென்ற பெயருடைய யானை சிகிச்சையில் இருந்ததாகவும், ஆனால் தேவியின் நடமாட்டம் குறைந்துவிட்டதாகவும், வனவிலங்கு பராமரிப்பு நிபுணர்கள் தேவியை கருணைக்கொலை செய்ய “கடினமான முடிவை எடுத்துள்ளனர்” என்றும் கூறியது.
உயிரியல் பூங்கா பேஸ்புக் பதிவில், “சான் டியாகோ உயிரியல் பூங்கா குடும்பம் இதயம் உடைந்துவிட்டது. யானைப் பாதுகாப்பின் முக்கியத்துவத்தைப் புரிந்துகொள்ள உலகெங்கிலும் உள்ள விருந்தினர்களை அவர் ஊக்குவித்தது. தனது இனத்திற்கான தூதராக ஒரு குறிப்பிடத்தக்க பாரம்பரியத்தை விட்டுச் சென்றது.
தேவி 1977 இல் இலங்கையில் உள்ள யானைகள் சரணாலயத்தில் இருந்து மிருகக்காட்சிசாலைக்கு வந்தது“ என தெரிவிக்கப்பட்டுள்ளது.
58 வயதான மேரி என்ற ஆசிய யானையும், 42 வயதான ஆபிரிக்க யானை ஷபாவும் தேவியுடன் யானைகள் பராமரிப்பு மையத்தில் வசித்து வந்தன.
தேவி இறந்த பிறகு, இரண்டு யானைகளும் அதனது உடலைப் பார்க்கவும், “விடைபெறவும்” அனுமதிக்கப்பட்டன.
காடுகளில் உள்ள யானைகள் மிகவும் சமூகப் பிராணிகள். விஞ்ஞானிகள், மனிதர்கள் இறந்த அறிமுகமானவர்களுக்காக துக்கம் அனுசரிக்கக் கூடிய நடத்தைகளை சிலர் அவதானித்ததாகக் கூறுகின்றனர்.
சான் டியாகோ விலங்கியல் பூங்கா கடந்த ஆறு ஆண்டுகளில் உடல் நலக் காரணங்களுக்காக மற்ற இரண்டு யானைகளை கருணைக்கொலை செய்துள்ளது.
ராஞ்சிப்பூர், 50 வயதான ஆசிய ஆண், 2016 இல் இறந்தது. டெம்போ, 48 வயதான ஆபிரிக்க பெண் யானை, 2019 இல் கருணைக்கொலை செய்யப்பட்டது.
