சட்டவிரோதமான முறையில் தங்கத்தை அதிகளவில் அணிந்து கொண்டு நாட்டுக்குள் பிரவேசிப்பவர்களுக்கு எதிராக கடும் நடவடிக்கை எடுக்க அதிகாரிகள் திட்டமிட்டுள்ளதாக நிதி இராஜாங்க அமைச்சர் ரஞ்சித் சியம்பலாபிட்டிய தெரிவித்துள்ளார்.
அவரது கூற்றுப்படி, இந்த கடத்தல்காரர்களால் அரசாங்கம் மாதத்திற்கு கிட்டத்தட்ட 30 மில்லியன் அமெரிக்க டாலர்களை இழக்கிறது.
தங்கத்தை அணிந்தும், வரி செலுத்தாமலும் நாட்டிற்குள் கொண்டு வரும் கடத்தல்காரர்களை அதிகாரிகள் ஏற்கனவே அடையாளம் கண்டுள்ளதாகவும் அவர் கூறினார்.எனினும் இந்த நடவடிக்கையால் சாதாரண பயணிகளுக்கு எந்தவித அசௌகரியமோ அல்லது அநீதியோ ஏற்படாது என இராஜாங்க அமைச்சர் கூறினார்.




