சட்டவிரோதமான முறையில் நாட்டிற்கு இறக்குமதி செய்யப்பட்ட மேலும் இரண்டு ஹம்மர் வாகனங்கள் நேற்று நிதி இராஜாங்க அமைச்சர் ரஞ்சித் சியம்பலாபிட்டியவின் அவசர பரிசோதனையின் போது இலங்கை சுங்கத்தில் கண்டுபிடிக்கப்பட்டுள்ளது.
இராஜாங்க அமைச்சர் இலங்கை சுங்கத் திணைக்களத்தில் அவசர பரிசோதனையை மேற்கொண்டபோது சட்டவிரோதமாக ஏற்றுமதி செய்யத் தயார்படுத்தப்பட்ட பல பொருட்கள் கண்டுபிடிக்கப்பட்டன.
பழைய காகிதத்தின் கீழ் வகைப்படுத்தப்பட்ட பொருட்கள் நிறைந்த ஐந்து கொள்கலன்கள் அமைச்சர் முன்னிலையில் திறக்கப்பட்டன.
கன்டெய்னர்களை திறந்து பார்த்தபோது, நான்கு கொள்கலன்களில் ஏற்றுமதி தடைப்பட்டியலில் உள்ள பித்தளை, தாமிரம் மற்றும் இரும்பு குழாய்கள் ஏற்றப்பட்டிருந்ததைக் கண்டறிந்தனர்.
ஒரு கொள்கலனில் மட்டுமே அசல் சரக்கு இருந்தது.
சோதனையின் போது மற்றொரு கொள்கலனில் சட்டவிரோதமாக இறக்குமதி செய்யப்பட்ட இரண்டு ஹம்மர் வாகனங்கள் கண்டுபிடிக்கப்பட்டன.
முன்னதாக, ஹம்மர் ஒன்று சட்டவிரோதமான முறையில் இறக்குமதி செய்யப்பட்டது கண்டறியப்பட்டது. அது தொடர்பில் இராஜாங்க அமைச்சர் சியம்பலாபிட்டிய அறிக்கை கோரினார்.
பிப்ரவரி 2022 இல் மூன்று வாகனங்களுடன் ஹம்மர் சட்டவிரோதமாக இலங்கைக்கு இறக்குமதி செய்யப்பட்டதாகக் கூறப்படுகிறது.
