அமெரிக்காவின் அரசியல் விவகாரங்களுக்கான துணைச் செயலர் விக்டோரியா நூலண்ட் மார்ச் 19-23 திகதிகளில் பங்களாதேஷ், இந்தியா மற்றும் இலங்கை ஆகிய நாடுகளுக்குப் பயணம் மேற்கொள்கிறார்.
துணைச் செயலாளர் நூலாண்ட் பங்களாதேஷ் மற்றும் இலங்கையில் கூட்டாண்மை உரையாடல்களையும், புதுதில்லியில் வெளியுறவு அலுவலக ஆலோசனைகளையும் நடத்துவார்.
இந்த நாடுகளில் துணைச் செயலாளர் நூலாண்ட் குழுவினர் சிவில் சமூகம் மற்றும் வணிகத் தலைவர்களைச் சந்தித்து, பொருளாதார கூட்டாண்மைகளை வலுப்படுத்தவும், இந்தோ-பசிபிக் பிராந்தியத்தில் அமைதி, செழிப்பு மற்றும் பாதுகாப்பைப் பின்தொடர்வதில் உறவுகளை ஆழப்படுத்தவும் உரையாடல்களை மேற்கொள்வர்.
அவருடன், தெற்கு மற்றும் மத்திய ஆசிய விவகாரங்களுக்கான உதவிச் செயலாளர் டொனால்ட் லூ மற்றும் கொள்கைக்கான துணைப் பாதுகாப்புச் செயலாளர் அமண்டா டோரி ஆகியோரும் பயணிக்கின்றனர்.
