சீனாவின் வடக்கே உள்ள தியான்ஜின் நகரில் சுமார் 14 மில்லியன் பேருக்கு COVID-19 பரிசோதனை செய்ய உத்தரவிடப்பட்டுள்ளது.
அத்துடன், மக்கள் வீட்டில் இருக்கும்படிக் கேட்டுக்கொள்ளப்பட்டுள்ளனர்.
அண்மையில் அந்நகரில் 20க்கும் அதிகமானோருக்கு தொற்று உறுதிப்படுத்தப்பட்டது. அவர்களில் இருவருக்கு ஓமைக்ரோன் பாதிப்பு இருந்தது.
தொற்று உள்ளவர்களில் பெரும்பாலானோர் வெளிநாடுகளிலிருந்து வந்தவர்கள் என்று தெரிவிக்கப்பட்டது.
தலைநகர் பெய்ஜிங்கிற்கு அருகே தியான்ஜின் உள்ளதால் இப்போது அந்நகரில் பெரிய அளவில் COVID-19 பரிசோதனைகள் செய்ய உத்தரவிடப்பட்டுள்ளது.
முடக்க நிலை ஏதும் இதுவரை அறிவிக்கப்படவில்லை.
COVID-19 தொற்று அறவே இருக்கக்கூடாது என்பதில் உறுதியாக உள்ளது சீனா. அதனால் ஒருசில தொற்றுச் சம்பவங்கள் ஏற்பட்டாலே விதிமுறைகளை அது கடுமையாக்கத் தொடங்கிவிடுகிறது.
