பிரச்சினைகளுக்குத் தீர்வு காண்பதற்குப் பதிலாக, மக்களின் கவனத்தைத் திசை திருப்புவதில் மட்டுமே அரசாங்கம் முனைப்பாக இருப்பதாக ஐக்கிய மக்கள் சக்தியின் நாடாளுமன்ற உறுப்பினர் ஹர்ஷ டி சில்வா சுட்டிக்காட்டியுள்ளார்.
கொழும்பில் இன்று இடம்பெற்ற ஊடகவியலாளர் சந்திப்பில் கலந்து கொண்டு இதனை தெரிவித்தார்.
அரசாங்கத்தின் உள்நோக்கம் குறித்து பொது மக்கள் தற்போது அறிந்துள்ளதாகவும், அதனால் அரசாங்கத்தின் சூழ்ச்சிக்கு பலியாக மாட்டார்கள் எனவும் தெரிவித்தார்.
தற்போதைய அரசாங்கம் ஊடகங்களுக்கு வாரந்தோறும் புதிய தலைப்புகளை உருவாக்கி வருகிறது, அரசாங்கம் கையாளும் முக்கிய திசைதிருப்பல் உத்திகளில் ஒன்று கிரிக்கெட் என தெரிவித்துள்ளார்.
எவ்வாறாயினும், தற்போதைய அரசாங்கத்தின் இயலாமைகளை பாரிய சுமைகளுக்கு உள்ளாகியுள்ள குடிமக்கள் நன்கு அறிந்திருப்பதால், ஜனாதிபதியால் தனது இலக்கை இப்போது அடைய முடியாது என்பதை அறிந்திருக்கிறார்கள் என அவர் தெரிவித்துள்ளார்.
லிட்ரோ காஸ் லங்கா லிமிடெட் நிறுவனத்தின் தற்போதைய மற்றும் முன்னாள் தலைவர்களை பொது நிறுவனங்கள் தொடர்பான குழுவின் முன்னிலையில் அழைப்பதற்கு எதிர்பார்ப்பதாகவும் தெரிவித்துள்ளார்.
தற்போதைய லிட்ரோ தலைவர் தெஷார ஜயசிங்க அண்மையில் இடம்பெற்ற ஊடகவியலாளர் சந்திப்பின் போது வெளியிட்ட சர்ச்சைக்குரிய கருத்து தொடர்பில் இருவரிடமும் விசாரணை நடத்த எதிர்பார்த்துள்ளதாக பாராளுமன்ற உறுப்பினர் டி சில்வா தெரிவித்துள்ளார்.
லிட்ரோ காஸ் லங்கா லிமிடெட் நிறுவனத்திற்கு எரிவாயு வழங்கும் நிறுவனத்திற்கு தற்போது வழங்கப்பட்டுள்ள ஒப்பந்தத்தை மேலும் இரண்டு வருடங்கள் நீட்டிக்குமாறு குறிப்பிட்ட மாஃபியா ஒன்றின் பின்னணியில் உள்ள நபர்களிடமிருந்து தனக்கு அச்சுறுத்தல் விடுக்கப்பட்டதாக லிட்ரோ தலைவர் தெஷார ஜயசிங்க கூறியிருந்தார்.
கோரிக்கைகள் தொடர்பாக கோப் தலைவரிடம் கேள்வி கேட்கும் என பாராளுமன்ற உறுப்பினர் டி சில்வா தெரிவித்தார். சம்மன் அனுப்பப்பட்டால், அவர்கள் நாடாளுமன்றத்தில் ஆஜராகி பதில் அளிக்க வேண்டும் என்றார்.
