அவுஸ்திரேலியா 2022ஆம் ஆண்டு வரை சர்வதேச சுற்றுப்பயணிகளை நாட்டிற்குள் வரவேற்கப் போவதில்லை என்று அறிவித்துள்ளது.
வெளிநாட்டு ஊழியர்களுக்கும் மாணவர்களுக்கும் முன்னுரிமை வழங்கப்படும் என்று அந்நாட்டுப் பிரதமர் ஸ்கொட் மொரிசன் இன்று தெரிவித்தார்.
முதல் தடுப்பூசி போடப்பட்ட அmவுஸ்திரேலியர்களை வெளிநாடுகளுக்குச் செல்ல அனுமதிப்பது மற்றும் வெளிநாடுகளில் வசிக்கும் தடுப்பூசி போடப்பட்ட குடியிருப்பாளர்களை வீடு திரும்ப அனுமதிப்பது முதல் படி என்று மொரிசன் கூறினார்.
அவுஸ்திரேலிய மக்கள் தொகையில் 16 வயதுக்கு மேற்பட்டவர்களில் 80 வீதமானவர்கள் முழுமையாகத் தடுப்பூசி போட்டுக்கொண்டால் எல்லை தொடர்பான நடவடிக்கைகள் தொடங்கும் என்று மொரிசன் கூறினார்.
தற்போது அவுஸ்திரேலியாவில் தடுப்பூசிகள் போடும் பணிகள் வேகமாக நடைபெறுகின்றன.
தடுப்பூசி போட்டுக்கொண்ட குடிமக்களும் நிரந்தரவாசிகளும் அடுத்த மாதம் முதல் வெளிநாடுகளுக்குச் சென்று வர, அவுஸ்திரேலியா அண்மையில் அனுமதி கொடுத்தது.
வெளிநாட்டு மாணவர்களின் வருகை இல்லாமல் அவுஸ்திரேலியப் பல்கலைக்கழகங்கள் பாதிக்கப்பட்டுள்ளமை குறிப்பிடத்தக்கது.
