அமெரிக்காவில் கடந்த நவம்பரில் நடைபெற்ற ஜனாதிபதி தேர்தலில், குடியரசு கட்சியின் வேட்பாளர் டொனால்ட் டிரம்ப் பெரும் வெற்றி பெற்றார். அவரது வெற்றி, அமெரிக்க அரசியலில் முக்கிய மாற்றங்களை உருவாக்கியுள்ளது.
வரும் ஜனவரி 20ம் திகதி, டொனால்ட் டிரம்ப் அமெரிக்காவின் 47வது ஜனாதிபதியாக பதவியேற்க உள்ளார். இந்த பிரமாண்ட நிகழ்வு, வாஷிங்டன் நகரிலுள்ள அமெரிக்க நாடாளுமன்ற வளாகத்தில் நடைபெற உள்ளது. இதற்கான ஏற்பாடுகள் தீவிரமாக நடைபெறுகின்றன.
இந்த விழாவின் பொருளாதாரத் தேவைகளை பூர்த்தி செய்ய, அமெரிக்காவின் பல பெரிய நிறுவனங்கள் நிதி உதவி வழங்கி வருகின்றன. உலகின் முன்னணி தொழில்நுட்ப நிறுவனமான கூகுள், டொனால்ட் டிரம்பின் பதவியேற்பு விழாவுக்கு 1 மில்லியன் அமெரிக்க டொலர் நன்கொடை அளித்துள்ளது.
அதேபோல, புகழ்பெற்ற விமான தயாரிப்பு நிறுவனமான போயிங், இந்த விழாவுக்காக கூடுதலாக 1 மில்லியன் டொலரை நன்கொடையாக வழங்கியுள்ளது.
இந்த நன்கொடைகள், டொனால்ட் டிரம்பின் பதவியேற்பு விழாவை சிறப்பாக நடத்துவதற்கான மிகப்பெரிய பங்காக இருக்கும் என கருதப்படுகிறது.
