29.8 C
Jaffna
March 29, 2024
லைவ் ஸ்டைல்

முதல் டேட்டிங்கின் போது இப்படி செய்து பாருங்கள் உறவு நிலைக்கும்!

முதல் டேட்டிங்கின்போது செய்யக்கூடாத விஷயங்கள் என்னென்ன …

 காதலிப்பவர்கள் இருவரும் ஒருவரை ஒருவர் அறிந்து கொள்வதற்காக வெளியே செல்லும் முறையே டேட்டிங் என அழைக்கப்படுகிறது. இந்த நிகழ்வின் மூலமே அவரது காதலரை ஒரு பெண்ணோ அல்லது ஆணோ சரியாக அறிகின்றனர். எனவே டேட்டிங் காதலர்களுக்கான பாலம் என கூறலாம். ஆனால் பலர் டேட்டிங்கை பற்றி தவறான எண்ணங்கள் உள்ளன. அல்லது அதை பற்றி அறியாமல் இருக்கின்றனர். இதனால் முதல் டேட்டிங் செல்லும்போது நீங்கள் பல விஷயங்களை தவறாக செய்ய வாய்ப்புள்ளது. ஒவ்வொருவருக்கும் டேட்டிங் ஒரு முக்கியமான விஷயமாகும் எனவே டேட்டிங் அன்று நாம் செய்யக்கூடாத விஷயங்கள் குறித்து விழிப்பாக இருக்க வேண்டும்.

 டேட்டிங்கில் செய்ய கூடாத விஷயங்கள்

 முதல் டேட்டிங் என்பது அனைவருக்கும் பதற்றமான விஷயம். ஏனெனில் இதற்கு முன்பு டேட்டிங் குறித்த அனுபவம் நமக்கு இல்லாமல் இருக்கும். இதனால் நாம் நல்ல ஆடை உடுத்தியுள்ளோமா? உடலில் நல்ல வகையான வாசனை வருகிறதா? அந்த பெண்ணை அல்லது ஆணை பார்த்தவுடன் நமது பேச்சை எப்படி தொடங்க வேண்டும்? போன்ற விஷயங்களில் உங்களுக்கு பதட்டம் இருக்க முடியும். ஆனால் முதல் டேட்டிங் தான் நமக்கு அனைத்தையும் கற்றுத்தருகின்றன. எனவே முதல் டேட்டிங்கில் தேவையற்ற விஷயங்களை தவிர்ப்பது நல்லது.

 கடந்த காலம் குறித்து பேச வேண்டாம்

 அனைவருக்கும் கடந்த காலம் என்ற ஒன்று உண்டு. ஆனால் அதை பற்றி பேசுவதற்கு டேட்டிங் ஒரு சரியான சமயம் இல்லை. உங்கள் சொந்த கடந்த காலங்களை பற்றி நீங்கள் மிகவும் ஆர்வமாக பேசலாம். உங்கள் கடந்த கால உறவுகள், பிரச்சனைகள் இவற்றை பற்றி பேசினாலும் அவர்கள் ஆர்வம் காட்ட மாட்டார்கள். மேலும் அனைவரும் வளமான கடந்த காலத்தை கொண்டிருப்பதில்லை. நீங்கள் சந்திக்கும் நபர் ஒரு கசப்பான கடந்த காலத்தை குறைக்கிறார். அவருக்கு இதன் மூலம் அவருடைய கடந்த கால நினைவுகள் வரலாம். மேலும் பலர் டேட்டிங்கின் போது தனது காதலர் காதல் முறையில் கவர்ந்திழுக்கும் வண்ணம் பேச வேண்டும் என்றே எதிர்ப்பார்க்கின்றனர். எனவே அவர்கள் எதிர்பார்ப்பை நிறைவு செய்பவர்களாக நீங்கள் இருக்க வேண்டும்.

 

 தாமதிக்க கூடாது

 இரு உறவுகளுக்கு இடையே எப்போதும் நம்பகத்தன்மை மிக முக்கியமாகும். தாமதம் என்பது அனைவரும் சந்திக்க கூடிய பிரச்சனை என்றாலும் முதல் டேட்டிங்கில் அந்த பிரச்சனை இருக்க கூடாது. முதல் டேட்டிங் அன்று நீங்கள் சீக்கிரமே கிளம்பி இருக்க வேண்டும். குறிப்பிட்ட நேரத்திற்கு முன்பே அந்த இடத்தில் இருக்கலாம். அவர்களுக்கு முன்பு சென்று சிற்றுண்டிகள் மற்றும் பானங்களை வாங்கி தயாராக வைத்திருந்து அவர்களிடம் நல்ல அபிப்ராயத்தை பெறலாம். மேலும் கால தாமதமாக வருவது உங்கள் காதலர் அல்லது காதலிக்கும் எரிச்சலை ஏற்படுத்தலாம்.

 அலைபேசியை பயன்படுத்த வேண்டாம்

 டேட்டிங்கின் போது அலைபேசியைப் பயன்படுத்துவது சில மோசமான விளைவுகளை ஏற்படுத்தலாம். உங்கள் முதல் டேட்டிங்கின் போது உங்களுக்கு பல விஷயங்களை எதிர்பார்த்து உங்கள் காதலி அல்லது காதலர் வந்திருப்பார். அவர்களிடம் நீங்கள் அன்பாக பேசவும் அவர்களுடன் நேரத்தை செலவிடவும் முயற்சி செய்ய வேண்டும்.

 மாறாக அலைபேசியை நீங்கள் பயன்படுத்துவதன் மூலம் அவர்களுடன் நேரத்தை செலவிட மாட்டீர்கள். இது அவர்களுக்கு வெறுப்பை ஏற்படுத்தலாம். டேட்டிங் சமயத்தில் அதிக அழைப்புகள் மற்றும் குறுஞ்செய்திகள் வருவது கூட பலருக்கு எரிச்சலை ஏற்படுத்தும். மேலும் அது இருவருக்கும் இடையில் கவன சிதறலை ஏற்படுத்துகிறது.

 மகிழ்ச்சியான உரையாடலை மேற்கொள்ளவும்

 ஒரு டேட்டிங்கில் உங்களை பற்றிய அனைத்து விஷயங்களையும் பேசி கொண்டிருக்க வேண்டாம். இன்னும் சிலர் இறுதி வரை தாங்கள் மட்டுமே பேசுகின்றனர். அவரது ஜோடியை அவர்கள் பேச விடுவதே இல்லை. இருவருக்கும் பேசி பழகுவதற்குதானே டேட்டிங். எனவே உங்கள் காதலர் அல்லது காதலியின் விருப்பு வெறுப்புகள், பொழுதுபோக்குகள் போன்ற ஜாலியான விஷயங்கள் குறித்து பேசுங்கள். திருமணம், குழந்தைகள், குடியிருக்கும் வீடு போன்ற எதிர்கால தீவிர விஷயங்கள் குறித்து அப்போது பேசுவதை தவிர்க்கலாம்.

 அதிகமாக உட்கொள்ள வேண்டாம்

 முதல் டேட்டிங்கில் அதிகமாக குடிக்க வேண்டாம். டேட்டிங்கில் சிலர் ஓயின் குடிப்பதுண்டு. ஆனால் இது உங்களுக்கு சோம்பலை ஏற்படுத்துகிறது. மேலும் இச்சமயத்தில் நீங்கள் கட்டுப்பாட்டை இழந்து விடுவீர்கள். இதனால் நம்மால் சரியாக பேச முடியாமல் போகலாம். மேலும் இது முறிவுக்கு கூட வழி வகுக்கலாம். முதல் டேட்டிங்கை சரியாக முடித்து விட்டோம் எனில் அதன் மூலம் பல விஷயங்களை கற்றுக்கொள்வோம். எனவே இரண்டாவது டேட்டிங்கின் போது எந்த வித கவலையும் இல்லாமல் இருக்க முடியும்.

What’s your Reaction?
+1
0
+1
0
+1
0
+1
0
+1
0
+1
0
+1
0

இதையும் படியுங்கள்

வரும் காதலர் தினத்தில் உங்கள் காதலை முன்மொழிய வெற்றிகரமான சூத்திரம் இதுதான்!

Pagetamil

கோழி இறைச்சியை சமைப்பதற்கு முன் கழுவக்கூடாதா?

Pagetamil

பருவமடைந்த, பிரசவித்த பெண்களுக்கான பிரத்யேக உணவுகள்!

Pagetamil

கணவாய் வறுவல்

Pagetamil

வெங்காயத் தாளில் 10 விதமான ரெசிப்பி!

Pagetamil

Leave a Comment