கோடிகளை குவித்த கமலின் ‘விக்ரம்’: புதிய சாதனை!

Date:

கோடிகளை குவித்த கமலின் ‘விக்ரம்’: புதிய சாதனை!

மாஸ்டர் படத்தின் வெற்றியை தொடர்ந்து தற்போது கமல்ஹாசன் நடிப்பில் ‘விக்ரம்’ படத்தை இயக்கி வருகிறார் லோகேஷ் கனகராஜ். கமல்ஹாசன் நடிப்பில் உருவாகி வரும் இந்த படத்தின் படப்பிடிப்பு அண்மையில் துவங்கி நடைபெற்று வருகிறது. இந்நிலையில் விக்ரம் படத்தின் இந்தி ரீமேக் உரிமையை மிகப்பெரிய விலை கொடுத்து கோல்ட்மைன்ஸ் ஃபிலிம்ஸ் நிறுவனம் கைப்பற்றியுள்ளதாக தகவல்கள் வெளியாகியுள்ளன.

கொரோனா இரண்டாம் அச்சுறுத்தல், சட்டமன்ற தேர்தல் போன்ற காரணங்களால் விக்ரம் படத்தின் படப்பிடிப்பு தடைப்பட்டது. அதனை தொடர்ந்து தேர்தல் முடிந்த கையோடு படத்தில் பணியாற்ற உள்ள மற்ற டெக்னீஷியர்கள் குறித்த அப்டேட்யும் தொடர்ச்சியாக வெளியிட்டு வந்தார் லோகேஷ் கனகராஜ். இந்தப்படத்தில் கமலுடன் பகத் பாசில், விஜய் சேதுபதி, அர்ஜுன் தாஸ், நரேன் உள்ளிட்டோர் இணைந்து நடிக்கவுள்ளனர்.

விக்ரம் திரைப்படத்தை கமலின் ராஜ்கமல் இன்டர்நேஷனல் தயாரிக்கவுள்ளது. இந்நிலையில் அண்மையில் விக்ரம் படத்தின் பர்ஸ்ட் லுக் போஸ்டர் இணையத்தில் வெளியாகி வைரலானது. அதனை தொடர்ந்து படத்தின் படப்பிடிப்பும் சென்னையில் துவங்கியது. அப்போது படப்பிடிப்பு தளத்தில் எடுக்கப்பட்ட புகைப்படங்கள் இணையத்தில் வெளியாகி பெருமளவில் வைரலானது. இந்நிலையில் கோல்ட்மைன்ஸ் ஃபிலிம்ஸ் நிறுவனம் விக்ரம் படத்தின் இந்தி டப்பிங் உரிமையை வாங்கியுள்ளது.

சமீபகாலமாக தென்னிந்திய படங்களின் இந்தி டப்பிங் உரிமை மிகப்பெரிய தொகை கொடுத்து வாங்கப்படுகிறது. இந்தி தொலைக்காட்சிகளிலும் தென்னிந்திய படங்கள் டப் செய்யப்பட்டு ஒளிபரப்பப்படுகின்றன. அத்துடன் யூடியூபிலும் இந்த டப்பிங்குகள் பதிவேற்றம் செய்யப்படுகின்றன. வெற்றிமாறனின் அசுரன் படத்தின் இந்தி டப்பிங்கும் யூடியூப்பில் 4 கோடிக்கும் அதிகமானவர்களால் பார்க்கப்பட்டது குறிப்பிடத்தக்கது.

இந்நிலையில் விக்ரமின் இந்தி டப்பிங் உரிமையை கோல்ட்மைன்ஸ் ஃபிலிம்ஸ் நிறுவனம் 35 கோடிகளுக்கு வாங்கியுள்ளது. கமலின் எந்தப் படமும் இதுவரை இத்தனை பெரிய தொகைக்கு விலைபோனதில்லை. படத்தில் கமலுடன் விஜய் சேதுபதி, பகத் பாசில் ஆகியோரும் நடிப்பதால் பாலிவுட்டில் இவ்வளவு பெரிய தொகைக்கு விக்ரம் படம் விற்கப்பட்டுள்ளதாகவும் கூறப்படுகிறது.

spot_imgspot_img

More like this
Related

“சிறிமாவோவிடம் ஜே.ஆர். செய்ததை மீண்டும் செய்யாதீர்கள்”: அரசியல் எதிரிகளை நடத்தும் விதம் குறித்து அரசாங்கத்திற்கு தயாசிரி எச்சரிக்கை

எதிர்க்கட்சி நாடாளுமன்ற உறுப்பினர் தயாசிறி ஜயசேகர, குற்றவியல் விசாரணைகள் மற்றும் சட்ட...

சிறுமியை சீரழித்த முல்லைத்தீவு ஐயருக்கு விதிக்கப்பட்ட தண்டனை!

முல்லைத்தீவில் 2011-ஆம் ஆண்டு, போரினால் இடம்பெயர்ந்த 17 வயது மாணவி ஒருவரை,...

சாக்கடையில் ஓடிய டீசல்… வாளி, கேன்களுடன் முண்டியடித்த மக்கள்! புளூமெண்டலில் பரபரப்பு!

கொழும்பு, புளூமெண்டல் பகுதியில் அமைந்துள்ள எரிபொருள் சேமிப்பு முனையத்தில் இன்று (21)...
spot_imgspot_img
spot_imgspot_img

பரபரப்பான செய்திகள்