இலங்கை பொதுஜனா பெரமுன தலைமையிலான அரசாங்கத்தின் நடவடிக்கைகளால் இளைஞர்களும் பொது மக்களும் கலக்கமடைந்துள்ளதாக இலங்கை சுதந்திரக் கட்சி தெரிவித்துள்ளது.
தற்போது நாடு ஒரு அரசியல் மற்றும் பொருளாதார நெருக்கடியை எதிர்கொள்கிறது என்று ஸ்ரீ.ல.சு.க.வின் துணைத் தலைவரான பேராசிரியர் ரோஹன லக்ஸ்மன் பியதாச தெரிவித்துள்ளார்.
இன்று கண்டியில் ஊடகங்களுடன் பேசிய பேராசிரியர் ரோஹன லக்ஸ்மன் பியதாச, செழிப்பு சகாப்தத்தை முன்னெடுப்பதாக உறுதியளித்த அரசாங்கத்தின் நகர்வுகளை பொதுமக்கள் தொடர்ந்து கவனிப்பார்கள் என்றார்.
கடந்த நாடாளுமன்றத் தேர்தலின் போது பெரமுன தலைமையிலான கூட்டணியின் கூட்டுக் கட்சிகளை அரசாங்கம் தாக்கத் தொடங்கியுள்ளதாகவும், தேர்தலுக்கு முன்னர் பெரமுன மற்றும் ஜனாதிபதியுடன் சுதந்திரக்கட்சி தனித்தனியாக ஒப்பந்தங்களை எட்டியதாகவும், ஆனால் புதிய அரசாங்கம் அமைக்கப்பட்டவுடன் அவை மீறப்பட்டன என்றார்.
