ஆர்யாவின் டெடி திரைப்படம் கடந்த மார்ச் மாதம் ஓடிடி-யில் வெளியான நிலையில், தற்போது அவர் நடித்துள்ள மற்றொரு படமும் அவ்வாறே ரிலீசாக உள்ளதாம்.
தமிழ் திரையுலகில் முன்னணி நடிகராக வலம் வருபவர் ஆர்யா. இவர் நடித்த டெடி திரைப்படம் கடந்த மார்ச் மாதம் நேரடியாக ஓடிடி-யில் வெளியானது. குழந்தைகளை கவரும் வகையில் உருவாக்கப்பட்டிருந்ததால், இப்படத்திற்கு அமோக வரவேற்பு கிடைத்தது.
இந்நிலையில், ஆர்யா நடிப்பில் தற்போது உருவாகி வரும் ‘சார்பட்டா பரம்பரை’ படமும் நேரடியாக ஓடிடி-யில் வெளியிடப்பட உள்ளதாக தகவல் வெளியாகி உள்ளது. இதற்கான பேச்சுவார்த்தை முடிவடைந்து விட்டதாகவும், விரைவில் இதுகுறித்த அதிகாரப்பூர்வ அறிவிப்பு வெளியாகும் எனவும் கூறப்படுகிறது.
சார்பட்டா பரம்பரை படத்தை பா.இரஞ்சித் இயக்கி உள்ளார். இப்படத்தில் ஆர்யாவுக்கு ஜோடியாக துஷாரா விஜயன் நடித்துள்ளார். மேலும் பசுபதி, ஜான் விஜய், காளி வெங்கட், அனுபமா, கலையரசன், சந்தோஷ் பிரதாப் ஆகியோர் முக்கிய கதாபாத்திரங்களில் நடித்துள்ளனர். சந்தோஷ் நாராயணன் இசையமைத்துள்ள இப்படத்திற்கு முரளி ஒளிப்பதிவு செய்துள்ளார்.
