மட்டக்களப்பு போதனா வைத்தியசாலையில் குளிரூட்டியில் சேமிக்கப்படாமல் வைக்கப்பட்டிருந்த சுமார் 50 குப்பி தடுப்பூசிகள் கொழும்பிற்கு திருப்பி அனுப்பப்பட்டுள்ளன.
மட்டக்களப்பு போதனா வைத்தியசாலை பணியாளர்களிற்கு நேற்று தடுப்பூசி செலுத்தப்படவிருந்தது. எனினும், அந்த தடுப்பூசியை பெற்றுக்கொள்ள வைத்தியசாலை பணியாளர்கள் மறுத்துள்ளனர்.
தடுப்பூசி முறையாக- குளிரூட்டியில் சேமிக்கப்படவில்லையென அவர்கள் குற்றம்சாட்டினர்.
நேற்று முதல் இந்த சர்ச்சை நீடித்து வந்த நிலையில், இன்று தடுப்பூசிகள் கொழும்பிற்கு திருப்பி அனுப்பப்பட்டுள்ளதாக மாவட்ட சுகாதார வைத்திய அதிகாரி தெரிவித்தார்.
அனுப்பப்பட்ட ஒவ்வொரு குப்பியின் மூலமும் 10 பேருக்கு தடுப்பூசி செலுத்தலாமென தெரிவிக்கப்படுகிறது.
