விக்ரம் படத்தின் கதையை படித்துப் பார்த்துவிட்டு சில மாற்றங்களை செய்யுமாறு லோகேஷ் கனகராஜிடம் கமல் கூறியிருப்பது குறித்து அறிந்தவர்கள் விஜய்யை நினைத்து பாவப்படுகிறார்கள்.
லோகேஷ் கனகராஜ் இயக்கத்தில் விஜய், விஜய் சேதுபதி நடித்த மாஸ்டர் படம் பொங்கல் பண்டிகை ஸ்பெஷலாக தியேட்டர்களில் வெளியாகி நல்ல வரவேற்பை பெற்றது. விஜய்யின் வெற்றி படங்களில் மாஸ்டரும் ஒன்றாகிவிட்டது. ஆனால் ஒரேயொரு சின்ன பிரச்சனை தான்.
மாஸ்டர் படத்தில் விஜய்யை விட வில்லன் விஜய் சேதுபதி ஸ்கோர் செய்துவிட்டார். விஜய்யை ஸ்டைலான வாத்தியாக காட்டிய லோகேஷ், விஜய் சேதுபதியை கூல் மற்றும் கெத்தான வில்லனாக காட்டினார். அதனால் படம் பார்த்த அனைவருக்கும் விஜய் சேதுபதியை அதிகம் பிடித்துவிட்டது. மாஸ்டர் விஜய் சேதுபதியின் படம் என்று சொல்லும் அளவுக்கு ஆகிவிட்டது.
மாஸ்டர் ரிலீஸுக்கு பிறகு விஜய் சேதுபதியின் லெவலே வேறு. இந்நிலையில் தான் உலக நாயகன் கமல் ஹாசனை வைத்து விக்ரம் படத்தை இயக்கவிருக்கிறார் லோகேஷ் கனகராஜ். அந்த படத்திலும் வில்லனாக நடிக்குமாறு விஜய் சேதுபதியை கேட்டிருக்கிறார்.
விஜய் சேதுபதி தான் வில்லனாகப் போகிறார் என்பதை அறிந்த கமல் ரசகிர்களோ, ஆண்டவரே ஜாக்கிரதை, இல்லை என்றால் லோகேஷ் உங்களுக்கும் விபூதி அடித்துவிடுவார் என்று எச்சரித்தார்கள். இந்நிலையில் விக்ரம் படத்தின் முழுக் கதையையும் படித்துப் பார்த்த கமல் அதில் சில திருத்தங்களை செய்யச் சொல்லியிருக்கிறாராம். கமல் சொன்னபடி கதையை திருத்திக் கொண்டிருக்கிறாராம் லோகேஷ்.
தம்பி லோகேஷ், என்னாது இது?: விக்ரம் கதையை திருத்தச் சொன்ன கமல்
இது குறித்து அறிந்த சினிமா ரசிகர்களோ, விஜய் மட்டும் லோகேஷை கண்மூடித்தனமாக நம்பாமல் கமல் மாதிரி உஷாராக இருந்திருந்தால் மாஸ்டர் இப்படி அவரை ஏமாற்றியிருக்காது என்கிறார்கள். தற்போது தலைப்பை மீண்டும் வாசிக்கவும்.
விஜய்க்கும், அவரின் அப்பா எஸ்.ஏ. சந்திரசேகருக்கும் இடையே பேச்சுவார்த்தை இல்லை. இந்நிலையில் மாஸ்டர் படம் பார்த்த விஜய்யின் தீவிர ரசிகர்களோ, எஸ்.ஏ.சி. மட்டும் கதை கேட்டிருந்தால் விஜய் சேதுபதி கதபாத்திரத்தை ஹீரோவை ஓவர் டேக் செய்ய விட்டிருக்க மாட்டார் என்றார்கள்.
விஜய் தற்போது நெல்சன் திலீப்குமார் இயக்கத்தில் தளபதி 65 படத்தில் நடித்து வருகிறார். அடுத்ததாக லோகேஷ் இயக்கத்தில் தளபதி 66 படத்தில் நடிப்பார் என்று கூறப்படுகிறது. மாஸ்டரை போன்று இல்லாமல் தளபதி 66 படத்தில் ஹீரோ விஜய்யை கெத்தாக காட்டப் போவதாக லோகேஷ் தனக்கு நெருக்கமானவர்களிடம் கூறி வருகிறாராம்.
