கறுப்பு மிளகு எடுத்துகொள்வதன் மூலம் உடல் ஆரோக்கியம் மேம்படுவது மட்டும் அல்லாமல் கூந்தலுக்கும் நன்மை பயக்கும். இந்த மிளகை பேஸ்ட் ஆக்கி பயன்படுத்துவதன் மூலம் முடி உதிர்தல், முடி நிறம் வெண்மையாவது, வழுக்கை பிரச்சனை கூட சரியாக கூடும்.
மிளகு கூந்தலை அதிசயத்தக்க வகையில் பளபளப்பாக வைத்திருக்க செய்யும். கூந்தலுக்கு இரசாயன பொருள்கள் பயன்படுத்துவதால் உண்டாகும் மோசமான பாதிப்பை மிளகு உண்டாக்காது. அதே நேரம் என்ன பிரச்சனைகளுக்காக மிளகை பயன்படுத்துகிறோமோ அந்த பிரச்சனை வேரோடு அகல மிளகு உதவக்கூடும். மிளகில் வைட்டமின் பி,வைட்டமின் சி மற்றும் பொட்டாசியம் போன்ற தாதுக்களால் நிறைந்துள்ளது. முடி பிரச்சனைக்கு மிளகை எப்படி பயன்படுத்துவது என்று பார்க்கலாம்.
பொடுகை வெளியேற்றும் மிளகு
பொடுகு பிரச்சனை பல காரணங்களால் உண்டாக கூடும். பொடுகு மாசுபாடு உச்சந்தலையில் அதிக எண்ணெய் போன்றவற்றால் உண்டாகிறது. கருப்பு மிளகில் இருக்கும் வைட்டமின் சி உச்சந்தலையை சுத்தப்படுத்தக்கூடும். இதனால் பொடுகு எளிதில் வெளியேறும்.
ஆலிவ் எண்ணெயில் கால் டீஸ்பூன் மிளகு தூள் சேர்க்கவும். இதை நன்றாக குழைத்து உச்சந்தலையில் மட்டும் படும்படி நன்றாக கலந்து விடவும். இந்த கலவை முடியின் வேர்களுக்கு நன்றாக பரவ வேண்டும். பிறகு 1 மணி நேரம் முதல் 2 மணி நேரம் வரை தலையில் விட்டு குளிர்ந்த நீரில் கூந்தலை கழுவி எடுக்கவும்.
வழுக்கை தடுக்க செய்கிறது
கறுப்பு மிளகு முடியின் வேர்களை வளர்க்க செய்கிறது. இந்த மிளகு பாக்டீரியா எதிர்ப்பு குணங்களை கொண்டிருப்பதாக கண்டறியப்பட்டுள்ளது. இது உச்சந்தலையில் நோய்த்தொற்றுக்கு எதிராக போராட உதவும்.
முடி உதிர்தலை குறைக்க செய்யும். கருப்பு மிளகில் வைட்டமின் சி இருப்பதால் இது முடி உடைதலையும் மெலிந்து போவதையும் தடுக்க செய்கிறது. வழுக்கையின் ஆரம்பத்தில் இதை கண்டறிந்து பயன்படுத்தினால் பலன் கிடைக்கும்.
. முன்கூட்டிய நரையை தடுக்கிறது
கறுப்பு மிளகில் இருக்கும் ஆக்ஸிஜனேற்றமானது முடி முன்கூட்டியே நரைப்பதை தடுக்கிறது. அதே சமயம் இதனுடன் தயிர் சேர்த்து பயன்படுத்தும் போது தலைமுடிக்கு ஈரப்பதத்தை வழங்குகிறது.
ஒரு டீஸ்பூன் கருப்பு மிளகுத்தூளில் மூன்று டீஸ்பூன் தயிரில் கலக்கவும். உச்சந்தலையில் ஒரு பேஸ்டுடன் மசாஜ் செய்து உச்சந்தலை முழுக்க வட்ட வடிவமாக மசாஜ் செய்யவும். இந்த கலவை கூந்தல் முழுக்க தடவி விடுங்கள். பிறகு ஒரு மணி நேரம் கழித்து பிறகு இலேசான ஷாம்பு மற்றும் கண்டிஷனர் கொண்டு தலைமுடியை கழுவி விடவும்.
முடி வளர்ச்சியை அதிகரிக்கும்
கறுப்பு மிளகு முடி வளர்ச்சியை ஊக்குவிக்கும் தன்மை கொண்டது. கருப்பு மிளகுடன் ஆலிவ் எண்ணெய் கலந்து நன்றாக சேர்க்கவும். இந்த கலவை முடி உதிர்வதையும் சேதத்தையும் தடுத்து முடி வளர்ச்சியை ஊக்குவிக்கிறது.
உச்சந்தலையில் எண்ணெய் வைப்பதன் மூலம் உச்சந்தலை சுத்தப்படுத்தப்பட்டு அதன்வளர்ச்சி மேம்படுத்தப்படுகிறது.
முடி பளபளப்பாக இருக்க
தலைமுடி மிகவும் வறட்சியாக இருந்தால் அதை மென்மையாக்கவும் பளபளப்பாக்கவும் மாற்றுவதற்கு மிளகு பயன்படுத்தலாம்.
எலுமிச்சை சாறு 2 டீஸ்பூன் எடுத்து அதில் ஒரு டீஸ்பூன் அளவு மிளகுத்தூள் சேர்க்கவும். இந்த பேஸ்ட்டை முடி மற்றும் அதன் வேர்களில் தடவி 15 நிமிடங்கள் வரை ஊறவைத்து பிறகு முடியை அலசி எடுத்தால் போதும். இது உச்சந்தலையை சுத்தம் செய்து பளபளப்பாக வைத்திருக்க செய்யும்.
