நேற்று 221 கொரோனா தொற்றாளர்கள் கண்டறியப்பட்டதை தொடர்ந்து, நாட்டில் உறுதிப்படுத்தப்பட்ட தொற்றாளர்களின் எண்ணிக்கை 93,933 ஆக உயர்ந்துள்ளது.
நேற்று கண்டறியப்பட்டவர்களில், 190 பேர் மினுவாங்கொட- பேலியகொட கொத்தணியுடன் தொடர்புடையவர்களாக அடையாளம் காணப்பட்டனர்.
அதன்படி, மினுவாங்கொட- பேலியகொட கொத்தணியில் அடையாளம் காணப்பட்ட தொற்றாளர்களின் எண்ணிக்கை 89,032 ஆக அதிகரித்துள்ளது.
வெளிநாட்டிலிருந்து நாடு திரும்பிய 31 நபர்களும் நேற்று தொற்றுடன் அடையாளம் காணப்பட்டனர்.
தற்போது நாடு முழுவதுமுள்ள பல்வேறு வைத்தியசாலைகளில் 2,485 பேர் சிகிச்சை பெற்று வருகின்றனர். நேற்று 209 பேர் குணமடைந்த வீடு திரும்பினர். குணமடைந்தவர்களின் எண்ணிக்கை 90,917 ஆக உயர்ந்தது.
தொற்று சந்தேகத்தில் 346 பேர் மருத்துவ கவனிப்பில் உள்ளனர்.
