அடுத்த ஜனாதிபதி தேர்தலில் தான் போட்டியிடுவதா இல்லையா என்பதை மக்கள்தான் தீர்மானிக்க வேண்டுமென தெரிவித்துள்ளார் ஜனாதிபதி கோட்டாபய ராஜபக்ச.
நுவரெலியா மாவட்டத்தில் நேற்று நடைபெற்ற கிராமத்துடனான உரையாடல் நிகழ்ச்சியின் போது இதனை தெரிவித்தார்.
‘மக்கள் என்னை 60 மாதங்களுக்கு ஜனாதிபதியாக தெரிவுசெய்துள்ளனர். இப்பொழுது 14 மாதங்கள்தான் முடிந்துள்ளன. இன்னும் நீண்ட தூரம் செல்ல வேண்டியிருக்கிறது. நான் மீண்டும் ஜனாதிபதி பதவிக்கு போட்டியிட மாட்டேன் என்று சிலர் கவலைப்பட்டனர். நான் மீண்டும் ஜனாதிபதித் தேர்தலில் போட்டியிடுவேனா இல்லையா என்பதை மக்கள் தான் தீர்மானிக்க வேண்டும்.
நான் ஜனாதிபதி தேர்தலில் போட்டியிட வேண்டுமென மக்கள்தான் தீர்மானித்தார்கள். எனவே இந்த 60 மாதங்களுக்குள் எனக்கு ஒரு பணி இருக்கிறது. நான் முதலில் அதை செய்ய வேண்டும், ”என்று ஜனாதிபதி கோதபய ராஜபக்ஷ கூறினார்.
