மியான்மார் இராணுவம் தான் நிகழ்த்திய ஆட்சிக் கவிழ்ப்பை நியாயப்படுத்தும் விதமாக ஆங் சான் சூசி மீது மேலும் குற்றச்சாட்டுகளை சுமத்தியுள்ளது.
இதன் மூலம் ஆட்சியிலிருந்து கீழிறக்கப்பட்ட ஆங் சான் சூசியை நீண்டகாலம் சிறையில் வைத்திருக்க அது எண்ணம் கொண்டுள்ளது.
ஊழலுக்கு எதிரான சட்டம் ஒன்றின்கீழ் சூசி அம்மையார் மீது இராணுவம் குற்றம் சாட்டியுள்ளது. அதன்படி, சே பெய்ங் கன்ஸ்டிரக்ஷன் என்ற நிறுவனத்தின் தலைவரிட மிருந்து சூசி அம்மையார் அமெரிக்க டொலர் 737,000ஐ நான்கு தவணைகளாக 2018ஆம் ஆண்டு முதல் கடந்தாண்டு ஏப்ரல் வரை பெற்றார் என்று அவர் மீது குற்றம் சாட்டப்பட்டுள்ளது.
இதன் தொடர்பில் அந்தக் கட்டுமான நிறுவனத் தலைவரின் வாக்குமூலம் அடங்கியதாகக் கூறப்படும் காணொளி ஒன்றையும் இராணுவம் வெளியிட்டுள்ளது. சூசி அம்மையாருக்கு பணம் கொடுத்ததை நேரில் பார்த்த சாட்சிகள் எவரும் இல்லை என்றும் கட்டுமான நிறுவனத் தலைவர் கூறுவதாக புளூம்பெர்க் செய்தித் தகவல் தெரிவிக்கிறது. சூசி அம்மையார் தமது சட்ட ஆலோசகர்களை சந்திக்கவும் இராணுவம் தடை விதித்துள்ளது.
