சிவராத்திரி முன்னிட்டு அகில இலங்கை சைவ மகா சபை வருடா வருடம் கடைப்பிடிக்கும் சிவவாரம் 05/03 /2021 – 11/03/2021 முன்னெடுக்கப்பட்டுள்ளது. தொண்டு பணிகளுக்கு சிவதொண்டர்களை / சிவமங்கையர்களை இணைத்து கொள்ளும் வேலைத்திட்டம் முக்கியமாக இக்கால கட்டத்தில் முன்னெடுக்கப்படவுள்ளது. அத்தோடு இரத்த தான முகாம்களையும் நலிவுற்ற குடும்பங்களை ஆற்றுப்படுத்தும் செயற்பாடுகளும் சைவ அறப்பணி நிதியத்தை வலுப்படுத்தல், சிவ தீட்சை , சிவலிங்கம் வழங்கல், அறநெறிப் பாடசாலைகளுக்கு உந்து சக்தி அளித்தல் செயற்பாடுகளும் சைவ மகா சபையால் முன்னெடுக்கப்படவுள்ளது.
இப்பணிகளுடன் உங்களை இணைத்து கொள்வதற்கு இச் சிவ வார காலத்தில் சிவ தொண்டர்களாக சிவமங்கையர்களாக உங்களை இணைத்து கொள்ளுமாறு வேண்டுகின்றோம்.
6 – 10 வயதானோர் மழலைச் சிவதொண்டர்களாகவும் 10 – 18 வயதுக்கு மேற்பட்டோர் இளம் சிவதொண்டர்களாகவும் 18 வயதுக்கு மேற்பட்டோர் சிவ தொண்டர்களாகவோ சிவமங்கையர்களாகவோ இணைய முடியும்.
இவர்கள் குடி, புகை பழக்கம் அற்றவர்களாகவும் சமய சமூக ஒழுக்கங்களுக்கு விரோதமாக நடக்காதவர்களாகவும் ஒன்றே குலம் , அன்பே சிவம், என் கடன் பணி செய்து கிடப்பதே எனும் தேவார , திருமந்திரங்களை மகுட வாக்காக கொண்டு இயங்குதல் வேண்டும்.
புதிய சிவதொண்டர் / சிவமங்கையர் உங்கள் ஊர் ஆலயத்தில் சிவராத்திரி தினத்தன்று உறுதிப்பிரமாணம் ஏற்று சிவலிங்கதாரிகளாக தம்மை சிவ, மக்கள் தொண்டுகளிற்கு இறை சிவனின் அருளாசியுடன் அர்ப்பணிக்க முடியும்.
தங்களையோ பிள்ளைகளையோ இணைக்க விரும்பும் அன்பர்கள் அறியத் தாருங்கள் தொடர்புகட்கு மாவட்ட /பிரதேச இணைப்பாளர்களின் விபரம் அறியத் தரப்படும்.
பொதுத் தொடர்புகட்கு
0702373901
