யாழ்ப்பாணத்தில் நேற்று (29) கைது செய்யப்பட்ட தமிழ் கொடி யூரியுப் குழுவினர் இருவரும் மேலதிக விசாரணைக்காக கொழும்பிலுள்ள பயங்கரவாத தடுப்பு பிரிவின் தலைமையகத்திற்கு கொண்டு செல்லப்பட்டுள்ளனர்.
35 வயதான பெண்ணும், 36 வயதான ஆணுமே நேற்று கைது செய்யப்பட்டனர்.
விடுதலைப் புலிகளை ஊக்குவிக்கும் விதமாக செயற்பட்டதாக இவர்கள் மீது குற்றம்சாட்டப்பட்டது.
வெளிநாட்டு பண பரிவர்த்தனை விவகாரத்திலும் அவர்கள் தீவிர விசாரணைக்குட்படுத்தப்படுவார்கள் என கூறப்படுகிறது.
நாவலர் வீதியிலுள்ள அலுவலகத்தை நேற்று விசேட அதிரடிப்படையினர் முற்றுகையிட்டனர். பயங்கரவாத தடுப்பு பிரிவினர் அங்கிருந்தவர்களை விசாரணைக்குட்படுத்தி, ஆவணங்களை சோதனையிட்ட பின்னர் இருவரையும் கைது செய்தனர்.
அங்கிருந்த 5 மடிக்கணினி, 5 கணினி என்பவற்றையும் மேலதிக விசாரணைக்காக எடுத்துச் சென்றுள்ளனர்.
