நேற்று இடம்பெற்ற ஐக்கிய மக்கள் சக்தியின் மே தினக் கூட்டத்தில் தமக்கு நேர்ந்த அநீதி தொடர்பில் எதிர்க்கட்சித் தலைவரிடம் முறைப்பாடு செய்யவுள்ளதாக நாடாளுமன்ற உறுப்பினர் பீல்ட் மார்ஷல் சரத் பொன்சேகா தெரிவித்துள்ளர்.
பேரணியின் போது தனக்கும் நாடாளுமன்ற உறுப்பினர் ஹரின் பெர்னாண்டோவுக்கும் இடையில் ஏற்பட்ட காரசாரமான கருத்துப் பரிமாற்றம் தொடர்பில் சமூக ஊடகங்களில் பரவிவரும் காணொளி தொடர்பில் கொழும்பில் ஊடகங்களுக்கு கருத்துத் தெரிவிக்கையில் இதனை தெரிவித்தார்.
”பாராளுமன்ற உறுப்பினர் ஹரின் பெர்னாண்டோ மே தின பேரணியை ஒழுங்கமைப்பதற்கு பொறுப்பாக இருந்தார், அவர் விடயங்களை நியாயமான முறையில் ஒழுங்கமைக்கத் தவறியதோடு சில நபர்களின் படங்களை முன்னிலைப்படுத்துவதில் கவனம் செலுத்தினார்’ என்றார்.
பொன்சேகா தனது ஆட்சேபனைகளை எழுப்பியதாகவும், ஹரின் பெர்னாண்டோ தகாத வார்த்தைகளால் திட்டியதாகவும் கூறினார். ஹரின் பெர்னாண்டோ மரியாதையுடன் பதிலளித்திருக்கலாம் மற்றும் அவரது நடவடிக்கைகளுக்கு கண்டனம் தெரிவித்திருக்கலாம் என்றார்
இந்த சம்பவத்திற்கு எதிர்ப்பு தெரிவித்து இதற்கு எதிர்ப்பு தெரிவித்த பின்வரிசை உறுப்பினர்கள், நிகழ்ச்சியிலிருந்து வெளியேறிச் சென்றதாக தெரிவித்தார்.
கட்சியின் பிரதித் தலைவர் என்ற வகையில், கட்சியின் ஒற்றுமைக்கு இடையூறு விளைவிக்கும் இதுபோன்ற விஷயங்களைத் தீர்க்கும் பொறுப்பும் உரிமையும் தனக்கு உண்டு என்றும் அவர் கூறினார்.
கட்சியின் சிரேஷ்ட உறுப்பினர்களுக்கு இடையில் அதிகாரப் போட்டி இல்லை என பாராளுமன்ற உறுப்பினர் பொன்சேகா தெரிவித்துள்ளார்.
முறைப்பாடு செய்யும்போது எதிர்க்கட்சித் தலைவர் உரிய நடவடிக்கை எடுப்பார் என அவர் நம்பிக்கை தெரிவித்தார்..




