விடுதலைப் புலிகளின் நிதர்சனம் அமைப்பின் முதலாவது பொறுப்பாளராக செயற்பட்ட பரதன் காலமாகியுள்ளார்.
தற்போது பிரித்தானியாவில் வசித்து வரும் அவர், நேற்று (18) மாரடைப்பினால் காலமானார்.
இவர், பல்கலைக்கழக காலத்திலிருந்து போராட்டச் செயற்பாடுகளில் ஈடுபட்டு 1983இல் தமிழீழ விடுதலைப் புலிகள் அமைப்பில் இணைந்து புகைப்படக் கலைஞராக செயற்பட்டார்.
நிதர்சனம் தொலைக்காட்சி, புலிகளின் குரல் வானொலி ஆகியவற்றின் ஆரம்பகர்த்தா இவரே.
செய்தி சஞ்சிகை, தொலைக்காட்சி ஒளிபரப்பு, வானொலியென புலிகள் அமைப்பின் ஒளி,ஒலி ஊடகப்பரப்பின் ஆரம்பவிதையாக இவரே செயற்பட்டார்.
நிதர்சனம் நிறுவனத்தின் மூலம் திரைப்படம், குறும்படங்களையும் உருவாக்கினார்.
எனினும், 1990களின் தொடக்கத்தில் புலிகள் அமைப்பிலிருந்து விலகி, சொந்த வாழ்க்கைக்கு திரும்பினார். பிரித்தானியாவிற்கு குடிபெயர்ந்து, லண்டனில் மூன்றாவது கண் என்ற ஊடக நிறுவனத்தை நடாத்தி வந்தவர்.
