நடிகை ஷிவானி விஜய் சேதுபதியைச் சந்தித்துள்ள புகைப்படத்தை வெளியிட்டுள்ளார்.
சீரியல் நடிகை சிவானி சமீபத்தில் நடிகர் விஜய் சேதுபதியை சந்தித்துள்ளார். அந்தப் புகைப்படத்தை தனது சமூக வலைதளப் பக்கத்தில் வெளியிட்டுள்ளார். மேலும் விஜய் சேதுபதி எளிமையின் அடையாளம் என்றும் குறிப்பிட்டுள்ளார். இருவரும் எடுத்துக் கொண்ட அந்தப் புகைப்படம் இணையத்தில் வைரலாகி வருகிறது.
விஜய் சேதுபதி மிகவும் எளிமையானவர் என்பது தமிழக மக்கள் அனைவருக்கும் தெரிந்த விஷயம் தான். தனது ரசிகர்கள் யாரைச் சந்தித்தாலும் கட்டிப்பிடித்து ஆனந்தத்தில் முத்தம் கொடுத்து விடுவார். அந்தளவிற்கு ரசிக்கத் தெரிந்த ஒரு சிறந்த கலைஞன் என்று விஜய் சேதுபதியைக் கூறலாம்.
விஜய் சேதுபதி பல படங்களில் பிசியாக நடித்து வருகிறார். மிஸ்கின் இயக்கத்தில் உருவாகிவரும் பிசாசு 2 படத்தில் சிறப்பு தோற்றத்தில் விஜய் சேதுபதி நடிக்கிறார். வெற்றிமாறன் இயக்கத்தில் சூரி நடித்துவரும் ‘விடுதலை’ படத்திலும் விஜய் சேதுபதி முக்கியக் கதாபாத்திரத்தில் நடிக்கிறார். மாநகரம் படத்தின் இந்தி ரீமேக்கான மும்பைகார் படத்திலும் விஜய் சேதுபதி நடிக்கிறார். அதுமட்டுமில்லாமல் ஹீரோவாக பல படங்களிலும் நடித்து வருகிறார். தமிழில் பல படங்களைக் கைவசம் வைத்திருக்கும் முக்கிய நடிகர் விஜய் சேதுபதி!
