20 ஆயிரம் கோடி ரூபாவுக்கான குறை நிரப்பு பிரேரணையை நாடாளுமன்றத்தில் சமர்ப்பிக்கவுள்ளதாக நிதியமைச்சின் செயலாளர் எஸ்.ஆர்.ஆட்டிக்கல தெரிவித்துள்ளார்.
நாடாளுமன்றம் 22ஆம் திகதி கூடும்போது, இந்த பிரேரணை அங்கீகாரத்திற்காக சமர்ப்பிக்கப்படும்.
இது மொத்த உள்நாட்டு உற்பத்தியில் சுமார் 1.5 சதவீதம்.
கொவிட்-19 பரவலை கட்டுப்படுத்துவதற்கான தடுப்பூசிகளை கொள்வனவு செய்தல் மற்றும் அதற்கு தேவையான ஏனைய விடயங்களை கொள்வனவு செய்வது, கொவிட்-19 காரணமாக பாதிக்கப்பட்டுள்ள சமூகம் மற்றும் பொருளாதார துறைகளில் கவனம் செலுத்தி இந்த தொகையை ஒதுக்குவதற்கு தீர்மானிக்கப்பட்டுள்ளதாக தெரிவித்தார்.
எதிர்வரும் 22ஆம் திகதி மீண்டும் நாடாளுமன்றம் கூடவுள்ளது.
அந்த வாரத்தில் நாடாளுமன்ற செயற்பாடுகள் தொடர்பில் கலந்துரையாடுவதற்காக சபாநாயகரினால் நாளை மறுதினம் கட்சி தலைவர்கள் கூட்டத்திற்கு அழைப்பு விடுக்கப்பட்டுள்ளது.
