கீர்த்தி சுரேஷ் நடிப்பில் உருவாகியுள்ள ‘குட் லக் சகி’ திரைப்படம் ஓடிடி-யில் வெளியாக இருப்பதாகக் கூறப்படுகிறது.
நாகேஷ் குக்குனூர் இயக்கத்தில் கீர்த்தி சுரேஷ் குட் லக் சகி என்ற படத்தில் நடித்துள்ளார். கீர்த்தி சுரேஷ் இப்படத்தில் சகி என்ற கதாபாத்திரத்தில் நடிக்கிறார். இந்தப் படத்தில் அவரது கதாபாத்திரம் அனைவராலும் துரதிருஷ்டம் நிறைந்ததாகப் பார்க்கப்படுகிறது. பின்னர் துப்பாக்கி சூடு வீராங்கனையாக மாறி தன் மீதான பிம்பத்தை எப்படி மாற்றுகிறார் என்பதே படத்தின் கதை.
இந்தப் படத்தில் நடிகர் ஆதி மற்றும் ஜெகபதி பாபு முக்கியக் கதாபாத்திரங்களில் நடித்துள்ளனர். இந்தப் படத்திற்கு தேவி ஸ்ரீ பிரசாத் இசையமைத்துள்ளார்.
இந்தப் படம் ஜூன் 3 ஆம் திகதி தியேட்டர்களில் வெளியாக இருப்பதாக ஏற்கனவே படக்குழுவினர் தெரிவித்திருந்தனர். ஆனால் கொரோனா அச்சுறுத்தல் காரணமாக தியேட்டர்கள் முடங்கியுள்ளதால் படக்குழுவினர் ஓடிடி முடிவைக் கையில் எடுத்துள்ளதாகத் தெலுங்கு சினிமா வட்டாரங்கள் தெரிவிக்கின்றன.
ZEE5 நிறுவனம் இந்தப் படத்தை வாங்கிவிட்டதாகவும் விரைவில் ரிலீஸ் குறித்த அப்டேட் வெளியாகும் என்றும் தெரிவிக்கப்படுகிறது. இப்படம் தெலுங்கு, இந்தி, தமிழ் மற்றும் மலையாளம் என நான்கு மொழிகளில் வெளியாகவுள்ளது.
